زبدةالاشعار

گنه همان گئجه نون حالی یادیمه دوشدی #تنورخولی_عاصی_تبریزی

#شام_غریبان #تنور_خولی
این متن در دو بخش ارسال میشود:
( با مصرع اول و هشتکهای):
#دوشنده_یاده_غم_بیشماری_زهرانون
لینک مطلب
#گنه_همان_گئجه_نون_حالی_یادیمه_دوشدی
.
.
مرحوم عاصی تبریزی
.
.
گنه همان گئجه نون حالی یادیمه دوشدی
آپاردی صبریمی غم اود نهادیمه دوشدی
.
سالوب همان گئجه نون محنتی منی درده
بنا اولوندی حسینون عزاسی اوچ یرده
.
بیریسی قتلگه ایچره که جدی پیغمبر
دوتوبدی شام غریبان حسینه اول سرور
.
بیرینده باجیسی زینب یانان چادرلار آرا
بالا بالالاریلا قوردی بیر محقّر عزا
.
نه فرشی واریدی نه بیر چراغ نه اوزگه اساس
یارالی قارداشنا توپراق اوسته ساخلادی یاس
.
بیرینده مطبخ خولیده حضرت زهرا
او شاه تشنه لبه ایلدی عزا برپا
.
محرّران کتاب مصیبت و ماتم
ائدوب بو قصه نی بو نوعله کتابه رقم
.
یازیلّا خولی بی شرم و شوم و بد فطرت
که ائیلمیشدی او دون، اختیار ایکی عورت
.
بیریسی دشمن مخصوص آل عصمتیدی
بیری ولیک محبّ شه ولایتیدی
.
گئجه نمازینه معتادیدی او خوش فطرت
نچه زمانیدی اوندا واریدی بو عادت
.
همان گئجه که حسینون کسوک یارالی باشی
تنور خولیده مهمانیدی بلالی باشی
.
گنه او عورت دین پرور وفا کردار
قرار سابقله اولدی خوابیدن بیدار
.
دوروب ایاقه یریندن او پاک پاکیزه
تمام شوق وضوئیله چخدی دهلیزه
.
ائدوب مشاهده بیر اوزگه حال او حالتده
او حاله دلدن اولوب مات قالدی حیرتده
.
گوروب ایشقلق ائدوبدور احاطه هر یانی
گونوز کیمی گئجه نون ظلمتی اولوب فانی
.
دئدی خدا بو نه هنگامه دور نه عالمدو
قضیه عیندی یا بیر خیال مبهمدور
.
گونوز که ائتمه میشم بوتنوری من روشن
ندور ایشقلقا باعث بس ای خدای زمن
.
بو حال حیرته سالدی او نیک فرجامی
گئدوبدی صبری الیندن کسیلدی آرامی
.
ز بسکه قلبی غم و اضطرابله دولدی
کمال سرعتیله مطبخه روان اولدی
.
یاخونلاشاندا تنوره نه گوردی یا قهّار
تنور ایچره کول اوستونده بیر کسوک باش وار
.
سالوب ضیاء او باشین نوری کون و امکانه
ولی جراحتی چوخدور باتوبدی آلقانه
.
اگرچه کول ائیلیوب گل جمالنی مستور
بونیله بیله احاطه ائدوبدی عالمی نور
.
تنوریدن اوجالور آسمانه لمعۀ نور
اولوب او نوریله مطبخ سراسی وادی طور
.
او قدری قالمادی موسی کیمی اولا مدهوش
یتوب قولاتنه بو حالده فغان و خروش
.
فغان و ناله سسی اختیارینی آلدى
فسرده حالیله گوگ سمتنه نظر سالدى
.
دوشوب مُجلّله بیر محمله او دم نظری
دوباره قلبدن آرتدی مصیبت و کدری
.
گوروبکه وار نچه خاتون همان او محملده
گلوبله نالیه فریاد وا حسین دلده
.
ولیک بیر خانم عورت چوخ ایلوری افغان
دیور اوغول یارالی باشووه آنان قربان
.
قدی خمیده گوزی یاشلی ساچلاری آغاروب
قرار و صبرینی الدن غم و محن آپاروب
.
یتوب قولاقنه ناگه او حالده بو صدا
اولوب او حالده بیر حال غشوه عارض اونا
.
#آمدن_حضرت_زهرا_به_تنور_خولی
.
کنار اولون که بو مقتولون اقرباسی گلور
اوغول اوغول دیور آغلور اوغول آناسی گلور
.
یتوب او حالده زهرا تنوره بیر باخدى
چکوب بیر آه جگرسوز عالمی یاخدی
.
حسینینون باشنی گوردی تاکول اوستونده
بسان بلبل اولوب نغمه خوان گل اوستونده
.
گوتوردی باشنی جان تک باسوب بیر آغوشه
علاوه لندی غمی گلدی محنتی جوشه
.
دئدی گوز آچگیلن ای نوگل امامت اوغول
غریب آناندا داخی قالمیوبدی طاقت اوغول
.
قوناقوام منی بیر خوش دلیله دیندیر سن
ائدوم سنه اوره گیم دردینی حکایت اوغول
.
بو رسمدور که اوغولّار آنایه ناز ایلر
ولی بو حالیمی بیر قیلگیلن رعایت اوغول
.
یارالی باشوون آردنجا گزمیشم از بس
یورولموشام داخی قالموب دیزیمده طاقت اوغول
.
اونی اوزوم بولورم چوخ یورولموسان سنده
یتوب بوگون سنه چوخ زحمت و مصیبت اوغول
.
بو بس دگولدی کسوبلر باشون سوسوز دالیدان
سویوب لباسوی اشرار بی مروت اوغول
.
گتوردی باشوی خولی قویوب کول اوستونده
عجب ائدوبدی سنه احترام و حرمت اوغول
.
نه زحمتیله سینمده بو باشی بسله میشم
تنور اولوب بو گئجه جای استراحت اوغول
.
#گفتگوی_حضرت_با_مادر_در_تنور_خولی
.
آچوب او حالده قانلو گوزین شه عطشان
گوروب آناسین اورکلندی عرض ائدوب آناجان
.
گل ای اولان منیم عالمده مهربانیم آنا
باشیمی سینوه آل باشووا دولانیم آنا
.
بو گلماقونله منی یاخشی سرفراز ائلدون
او خسته جانووه قربان یارالی جانیم آنا
.
تنور ایچره منی قویمادون قالام یالقوز
قبول زحمت ائدوب اولدون همزبانیم آنا
.
کسنده باشیمی دشمن، وئرنده جان عطشان
چوخ آختاروب سنی بو چشم خونفشانیم آنا
.
بوگون اوقدر اذیت ائدوب منه دشمن
یوروبلا انجمیشم قالمیوب توانیم آنا
.
بو گئجه سن منیله قتلگاهده واریدون
گلنده یانیمه بی رحم ساربانیم آنا
.
نه عرض ائدوم که نه ظلم ایلدی منه گئتدی
ایکی الیمده وار اول ظلمدن نشانیم آنا
.
اگرچه ظاهر صورتده راحتم بو گئجه
صباح کوفه ده وار اوزگه داستانیم آنا
.
شفاعت ایله گیلن عاصییه قیامتده
اولوبدی بیر نچه مدتدی نوحه خوانیم آنا
.
#تنورخولی #عاصی_تبریزی
#ترکی
#زبدةالاشعار

متن پیشنهادی:  ظلمیلن سولدی موسی بن جعفر #کاظمیه_آذرین_خلخال

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی