اجازه خواستن حضرت قاسم برای جهاد
.
#زبدةالاشعار
.
: @nohe_torki
.
علیرضا حضرتی
.
گلمیشم اذن آلماقا بو عالی محضردن عمو
جانه گلدیم محنت جانسوز اکبردن عمو
.
.
صحنۀ عشق و وفادی عرصه گاه کربلا
تک قالوب غوغای عاشوراده شاه کربلا
راه اثبات شرفدور شاهراه کربلا
قویما بی بهره قالام بو فیض برتردن عمو
.
.
کیم بو گون بو قانلی میداندا قیزیل قانه باتور
فکر دلداریله گؤز باش فکرینی باشدان آتور
جانینی قربان ائدور جانانه، مقصوده چاتور
رخصت دیدار آلور درگاه دلبردن عمو
.
.
ای منیم استاد عشقیم قوی ائدیم تکمیل عشق
نقد جاندور چون بو چولده قیمت تحصیل عشق
قیرمیزی قاندور جهاندا مایۀ تشکیل عشق
عاشقانه کچمیشم جان و تن و سردن عمو
.
.
.
یارو انصاریون اؤز عشقین، عاشقانه گؤستروب
غرق اولوبدی شوقیلن مقتلده قانه، گؤستروب
اشتیاقین اكبرون صاحب زمانه گؤستروب
راضی اولما آیریلام آزاده ائللردن عمو
.
.
ساغر سرشار اولوب شوق شهادتدن باشیم
هجر اکبردن آخور سولموش عذاره گؤز یاشیم
خیمیه گلدی او دمدن کی عباده یولداشیم
دویموشام بو عالم پر فتنه و شردن عمو
.
.
منده ای سلطان دین فرزند نسل حیدرم
مجتبانون اوغلویام بند دل پیغمبرم
سن امامیم سن عموجان درگهونده نوکرم
لطفوی ائتمه دریغ آخر بو نوکردن عمو
.
.
طاقتیم یوخدور ئورکده آتشین داغلار گؤرم
تشنه قیزلاره بو چولده سو یولون باغلار گؤرم
سود امر طفلین آناسین خیمه ده آغلار گؤرم
اود دوشوبدور جانیمه فریاد اصغردن عمو
.
.
آیت ایثاریمه قوی دگمه سین مولا خلل
چاک سینه ایلرم من عزم میدان جدل
بو شعاریمدور منیم «الموت أحلى من عسل»
قورخمورام شمشیر و تیر و گرز و نشتردن عمو
.
.
قتلگهده قوی وجودیم دوغراسین شمشیرلر
گؤز گؤز ائتسون جسمیمی باشدان ایاقه تیرلر
ئولسه ده خوف ایلمز روباه لردن شیرلر
یوخ هراسیم بو سپاه شوم و کافردن عمو
.
.
متن تاریخه مورخلر یازار پیکاریمی
وصف ائدللر حق یولوندا مو به مو رفتاریمی
شرح ائدللر «ناعمی»لر عشقیمی ایثاریمی
گرچه میندن بیردی شعری، شعر «انور»دن عمو
.
.
#قاسمیه #حضرتی_ناعمی
#قاسمیه_شهادت
#گلمیشم_اذن_آلماقا_بو_عالی_محضردن_عمو
#ترکی
.
#زبدةالاشعار
.
: @nohe_torki
نظر دهید