گلوبدی کرب وبلایه باجون دوباره حسینجان #اربعین_کاتب_اردبیلی

اربعین
.
#زبدةالاشعار
.
: @nohe_torki
.
مرحوم کاتب اردبیلی
.
گلوبدی کرب وبلایه باجون دوباره حسینجان
دور ایله بیرجه نوازش بو دلفکاره حسینجان
اولوم بو قبروه قربان
منی بلاکش دوران
.
.
گئدنده کوفیه قارداش بو دشتدن من نالان
یارالی نعشوی قویدی یر اوسته لشگر عدوان
نه بیرجه دفن ائدن اولدی نه بیر تلاوت قرآن
نه بیرکس اولدی جنازون قویا مزاره حسینجان
.
.
یارالی باشوی ویردی جدایه شمر ستمگر
گھی کول اوستونه مهمان آپاردی خولی کافر
گه اولدی سنگ جفایه نشان او رأس مطهّر
گوروب او حالتی گلدوم چوخ آه زاره حسینجان
.
.
دیار شامه کیمی من باشون دالنجا دولاندوم
یزید بزمینه گئتدوم او مجلس ایچره دایاندوم
قولوم طنابیله باغلى شرار محنته یاندوم
یزید طعنه سی ائتدی گونیمی قاره حسینجان
.
.
گتوردی نالیه قارداش یزید او گونده جهانی
مقابلینده نه ذلتله ساخلادی اسرانی
سوسوز دوداقیوه ویردی ستمله چوب جفانی
یانیقلی قلبیمه بیرده ویروب شراره حسینجان
.
.
سوروشسون ایندی برادر سکینه حالینی مندن
بو باره ده باجون ئولسون خجالتم داخی سندن
نجه دیوم که اولوبدور خرابه ده اونا مدفن
وئروبدی جان قوری یرده او ماه پاره حسینجان
.
.
.
.
#اربعین_کاتب_اردبیلی
#گلوبدی_کرب_و_بلایه_باجون_دوباره_حسینجان
#ترکی
.
#زبدةالاشعار
.
: @nohe_torki