زبانحال حضرت عبداللہ ابن عباس (ع) با حضرت ام البنین (س)
بازگشت کاروان به مدینه
..
..
مرحوم نخستین اردبیلی
..
..
آنا عراقه گیدن کاروان گلور دو گئدک
بو ناتوان بدنه تازه جان گلور دو گئدک
..
..
علیّ اصغری آل اکبرون قوجاقیندن
اَولده وئر منه سن بوس إئدیم دوداقیندن
قویوم یوزومی ئوپوم خورداجا ایاقیندن
گؤرک کیمیله او شیرین زبان گلور دو گئدک
..
..
اگر رباب اونی آغوشه آلسا آغلاتماز
گولرمنیم یوزومه یورقون اولماسا یاتماز
رقیّه آتسا گوزیندن منی، اونی آتماز
رقیّه تک اونا لایلای چالان گلور دو گئدک
..
..
فراق ساعتینه ویرمیک ادامه گئدک
بو شهره شاه گلور بیز او احترامه گئدک
وصال وقتیدی هجران یتوب تمامه گئدک
عزیز فاطمه روح روان گلور دو گئدک
..
..
هوا چوخ ایستیدی یورقوندی یا که خسته دیلر
گَلولَّه شاد و یا اینکه دل شکسته دیلر
محمّدی گولی تک بیر بیرینه بسته دیلر
عم اوغلوما عموما جان فشان گلور دو گئدک
..
..
نهال عمروم آنا تازه تازه بر وئره جک
سنونده میوۀ قلبون گؤزه ل ثمر وئره جک
بو مرغ بی پره گویا که بال و پر وئره جک
سنی منی بئله آغلار قویان گلور دو گئدک
..
..
گرک بفوری گیدیم من اونی گوروم او منی
دیوم مزیّن إئدوبسن بابا گؤزه ل وطنی
گندنده گؤرمه سه باهم آنا منیله سنی
دییر ئولوبدی بالام ناگران گلور دو گئدک
..
..
منه علاقه سی وار هر نه ایستیم آلّام
ادب الى سینم اوستونده منتظر قالّام
نماز وقتی دوروب جا نمازینی سالّام
گلنده منزله وقت اذان گلور دو گئدک
..
..
او شاهزاده دى شأن و وقاریلن گله جک
گلنده شهره آنا شهریاریلن گله جک
امیر لشگر اولوب افتخاریلن گله جک
سنه منه آناجان مهربان گلور دو گئدک
..
..
گرک الیندن آلوب پرچمین ئوزوم گتیریم
نقدری درد فراقی چکوم دوزوم گتیریم
اونا فدادی منیم آغلیان گوزوم گتیریم
منی بو درد و بلایه سالان گلور دو گئدک
..
..
لوانی وئرمه سه سو مشگینی آلوب گلّم
بابام کیمین اونی من چگنیمه سالوب گلّم
دانشدیروب بابامی مختصر قالوب گلّم
سنى إئدن بئله قدّی کمان گلور دو گئدک
..
..
آتا بالا آراسیندا گؤزه ل محبت اولار
آلار قوجاقینه مشغول گرم صحبت اولار
غریبه منظره لی مجلس ضیافت اولار
خیالیمه إیله یاخشى زمان گلور دو گئدک
..
..
طواف کعبه دی گویا اونون طوافی منه
گلوب صفا وئره جک چون بو پوزقون انجمنه
بو رسمیدور آناجان گول صفا وئرر چمنه
بو گلشنه او گول ارغوان گلور دو گئدک
..
..
جلال و جاهیله گئتدی عموم عراقه گیدنده
چکوب فراقینی من یانمشام فراقه گیدنده
مسافرین خوش اولار دیدینه قباقه گیدنده
بلالی باشیمه سایه سالان گلور دو گئدک
..
..
منه دیردی اوشاقلارسنون آتون یوخدی
ئوره گی یاره لیسن درد و محنتون چوخدی
اولارین هر سوزی گویا که زهردار اوخدی
گیجه گونوز آدی دلده قالان گلور دو گئدک
..
..
دئدی اوغول دورایاقه ألیوى ویر ألیمه
گلوبدی دورت بالام أل قویمارام داخی بئلیمه
اولارین هر بیریسی سو سپر یانان دلیمه
بلالی باشیمه سایه سالان گلور دو گئدک
..
..
آنا بالا أل أله وئردی چخدی منزلدن
اؤره ک غمی داغیلوب شاد اولوبدیلار دلدن
گلور مدینه نون اهلی گئچور مقابلدن
بالا قباقیمزه آغلیان گلور دو گئدک
..
..
نجه گلوب نجه گؤردیله بیلمورم یارب
نه آتا وار نه عمو واردی کشف اولوب مطلب
قالوب بیر حاله تانینموردی بینوا زینب
دئدی ئولنلر ئولوبدی قالان گلور دو گئدک
..
..
#عبداله_العباس #نخستین #ورود_مدینه #ورود_مدینه_نخستین #ترکی #زبدةالاشعار #حضرت_ام_البنین_نخستین #حضرت_ام_البنین
نظر دهید