خروج از مدینه
زبانحال امام حسین (ع) در جوار قبر پیامبر اسلام (ص)
.
✍️ #زبدةالاشعار ✍️
.
🆔: @nohe_torki
.
مرحوم دخیل
.
گلوب مدینۀ اسلامه نامه یاجدّا
گرک باشیم گیده بازار شامه یاجدّا
.
مجاور اولماقا بو قبر پاکه قویمادیلار
وداع ایتمگه گلدیم سلامه یاجدّا
.
گیدنده امته تاپشورموسان منی دور گور
ایشیم او چولده یتر چون تمامه یاجدّا
.
قویوب عمامه وی درّاعه وی بابا گیرم
که بلکه باعث اولا احترامه یاجدّا
.
ولی یقیندی بو درّاعه قانیمه باتاجاق
باشیمدا دوغراناجاق بو عمامه یاجدّا
.
نظاموی پوزوب اما یزید یانینده
عیالوی دوزه جکلر نظامه یاجدّا
.
بتول نائبی زینب که اهل عصمت دور
چکلّه قوم جفا بزم عامه یاجدّا
.
حرامدور دییسن صید آهوان حرم
حرامزاده باخارمی حرامه یاجدّا
.
چکلّه آهو صفت اهل بیتی زنجیره
دوشه حمامه لرون جمله دامه یاجدّا
.
بو لبلریمی مدام اوپموسن یزید لعین
وورار آغاج بولب لعل فامه یاجدّا
.
باخار دوداقلاریما کیم ایدر قرآنی حرام
توکر عداوتله باده جامه یاجدّا
.
یتشمسونله مراده اولار که قویمادیلار
جوانلاریمی یتشسونله کامه یاجدّا
.
منم حسین که منه احترام ایلردون
بابا دینده جوابینده جان سویلردون
.
هجوم ایدنده منه درد و غم پناهیمدون
ایدنده کیمسه منه ظلم دادخواهیمدون
.
امان بو امّت جور و جفا شعاروندن
که ظلمیله آیرولّار منی مزاروندن
.
بونوعیله که قیلار دؤر چرخ کج رفتار
یقین ایدلّه منِ بیکسی غریبه مزار
.
غمیم بودور که منی اهل کین شهید ایده لر
بو روضه دن منِ مظلومی ناامید ایده لر
.
داخی یتیشمز الیم دامن مطهریوه
شفقّت ائت منی چک دامن منوّریوه
.
.
.
.
.
#خروج_مدینه_دخیل
#گلوب_مدینه_اسلامه_نامه_یا_جدا
#منم_حسین_که_منه_احترام_ایلردون
#ترکی
.
✍️ #زبدةالاشعار ✍️
.
🆔: @nohe_torki
نظر دهید