گلون ای مدینه اهلی گیینون قرا حسینه #ورود_مدینه_واصف _مرندی

بازگشت به مدینه
.
#زبدةالاشعار
.
: @nohe_torki
.
واصف مرندی
.
گلون ای مدینه اهلی گیینون قرا حسینه
گوتورون قرا علملر ائلییون نوا حسینه
.
.
پوزولوب ورودی شهرین ، ویریلب قرا علملر
یورولوب بلا یولوندا او یورولمویان حرملر
نه جنایت و ستملر نه مصیبت و نه غملر
گوروب اهل شام و کوفه علناً روا حسینه
.
.
منه امر ائدیبدی شخصاً یتورن خجالتیلن
قییدیب امام سجاد وطنه نه حالتیلن
پوزولوبدی کاروانی نه همان جلالتیلن
گییه جاق قرا ئولونجه دوتاجاق عزا حسینه
.
.
او صفالی گلستانی نه جفائلین صولوبدی
قاریشیب سرشکی قانه غمیلن اورک دولوبدی
آتالار شهید اولانلار بالالار اسیر اولوبدی
ویریلیب بلا چولونده نچه مین یارا حسینه
.
.
توکولوب مدینه اهلی گویه ناله لر اوجالدی
سسی غصه لی بشیرین هاموسی آرایه آلدی
قره پرچمی گورنلر نه غمه نه حاله قالدی
دئدیلر نه سوزدی آلله غم کربلا حسینه
.
.
دئدی زینبی گورنده ائلیین بیر آز رعایت
آغاریبدی قاره زلفی بوکولوبدی سرو قامت
اگر اوخشاسا حسینه قوپاجاق یقین قیامت
نییی واریدی ائدیبدی او خانم فدا حسینه
.
.
ولی بیر بیره جماعت ائلدی او دم اشاره
گلور ایندی ام العباس چکیلین بیر آز کناره
ائوینین صغیری واردی اورگینده داغلی یاره
آناسی ئولن زماندان تانینیب آنا حسینه
.
.
دئدی آی بشیر آماندی سسیوه آلیشدی سینه
بو خبرلرین دوز اولسا یانار اودلانار مدینه
دیزیمین توانی قالمیر منی بیر یتور حسینه
نچه آیدی ال دعاده ائدیرم دعا حسینه
.
.
دئدیلر بالالاریندان نچه دردیلی خبر وار
دئدی من حسین سوروشدوم اورگیمده غصه لر وار
دئدیلر قرا علمده باخا کیم بولر نلر وار
یازیلیب قرا علمده غم و ابتلا حسینه
.
.
دئدی چون صغیر اوشاق وار فی الاشاره سویلورم من
نچه آیدی کی وطنده داریخیب غم ایلورم من
مین ابوالفضلی حسینسیز بو جهاندا نیلورم من
هرعملده چون ابوالفضل ائدیب اقتدا حسینه
.
.
.
.
#ورود_مدینه_واصف_مرندی
#گلون_ای_مدینه_اهلی_گیینون_قرا_حسینه
#ترکی
.
#زبدةالاشعار
.
: @nohe_torki