گل آنام فاطمه یادگاری باجی #وداع_یحیوی_اردبیلی

وداع امام حسین (ع)
..
..
#سبک_خیمه_نی_سیلمیشم
..
..
مرحوم یحیوی _اردبیلی
..
..
گل آنام فاطمه یادگاری باجی
موسم فرقتیمدور آخرین ساعتیمدور
..
بیرده من گلمرم سیزلری گورمرم
خاتمه صحبتیمدور آخرین ساعتیمدور
..
ممکن اولماز دوباره گلمگیم خیمه گاهه
سن گوررسن گلنده نعشیمی قتلگاهه
..
..
..
گور دویونجاق منی ای وفا معدنی
قلبیده هر سؤزون وار ساخلاما ایله اظهار
..
سؤیله درد دیلون قالماسون نسگلون
ای بلایه گرفتار فوج محنتده سردار
..
امریمه عامل اول محنته صابر اول
اهل بیته پرستار محشره قالدی دیدار
..
بو شهادت منیم دهریده رونقیم
حشریده عزّتیمدور آخرین ساعتیمدور
..
..
..
حق یولیندا گرک باش و جاندان گئچم
قویمیام شرع دینه صدمه لر وارد اولسون
..
چشمۀ فیض آچام یاره لی سینه دن
وار نقدری بو دنیا امّته عاید اولسون
..
هم قیامت گونی معرض حشریده
بو بوغازدان آخان قان قتلمه شاهد اولسون
..
بو سوسوز لبلریم قان دولان گوزلریم
شاهد خدمتیمدور آخرین ساعتیمدور
..
..
..
پیشواز ائتمیشم عهد و پیمانیمی
نیّت خالصیلن قویمارام ذرّه نقصان
..
عشق بازارینه من قدم قویموشام
نقد جاندور متاعیم مشترى حىّ سبحان
..
فدیه گاهیمدو بو کربلانون یری
اکبر نوجوانی وئرمیشم حقّه قربان
..
کربلا مدفنیم باغ رضوان منیم
حاصل زحمتیم دور آخرین ساعتیمدور
..
#وداع #یحیوی_اردبیلی #حسینیه_وداع #ترکی #زبدةالاشعار