شهادت حضرت علی اصغر (ع)
.
#زبدةالاشعار
.
: @nohe_torki
.
مرحوم شعاع تبریزی
.
گل آهوی حرم اوخلاندی زینب
بالام اوخلاندی قلبیم یاندی زینب
.
نجه آهو نجه اوچی نجه اوخ
که شرحی غملی بیر دیواندی زینب
.
یارالی صید الیمده آغلورام من
گولور صیاد عجب دوراندی زینب
.
بیچیبدور ناوکی پیکان بوغازین
الیم اوسته گلوم خنداندی زینب
.
ایکیمیز بیر اوخا اولدوخ نشانه
بو ظلمه انبیا حیراندی زینب
.
بالام تک حرمله ظلموندن آخر
بسان لاله باغریم قاندی زینب
.
دیدیم من بولدی اوچ گوندور او ظالم
علی اصغریم عطشاندی زینب
.
گلم گلمور یوزومدن خیمه گاهه
خجل اولماق مگر آساندی زینب؟
.
دی قوی فخر ایلسون اصغر آناسی
بالام قربانیِ قرآن دی زینب
.
باجی دریای خجلتده حسینون
غریق لجّۀ طوفاندی زینب
.
بوغازیندان آخان قانیله یکسر
الى زلفی یوزی الواندی زینب
.
وئرن سو سود امر عطشان بالاما
سه شعبه زهریلی پیکاندی زینب
.
اولوب چون اونّوگی قانیله رنگین
بالام گویا که بیر مرجاندی زینب
.
یانان قلبیم شرار محنتیله
دوتوب اؤد تازه دن اودلاندی زینب
.
یقین دوزمز گوره بیکس آناسی
بالاسى قانینه غلطاندی زینب
.
حسینه ای اولان غملر شریکی
غموندن قلب شیعه یاندی زینب
.
«شعاع» اولسون خانم قبرون فداسی
که مدّتدور ایشی افغاندی زینب
.
نولور بو جمعیله بیر وقفه گورسه
سنه قارداشوا مهماندی زینب
.
مریض عشقه واضحدور جهاندا
وصال یار چون درماندی زینب
.
.
.
#اصغریه_شعاع_تبریزی
#اصغریه_شهادت
#گل_آهوی_حرم_اوخلاندی_زینب
#ترکی
.
#زبدةالاشعار
.
: @nohe_torki
نظر دهید