گل ابوالفضلیم هرایه غارته ال آچدی لشگر #غارت_خیام_ستوده_زنجانی

زبانحال و استمداد حضرت زینب سلام الله علیها در غارت خیام
.
زبدة الاشعار
.
: @nohe_torki
.
#سبک_ای_ویرن_ویرانه_یرده
.
ستوده زنجانی
.
گل ابوالفضلیم هرایه
غارته ال آچدی لشگر
خیمه‌گاهه اود وروبلار
قالموشوق بی‌یار و یاور
.
.
یاندوروب خرگاه شاهی
غارت ایتدی قوم اوباش
قمچی‌لر آلتندا یاندوم
هارداسان ایستکلی قارداش
قوللارون قربانی اولاّم
قالمیوبدی یار و یولداش
من سنی امداد ایدنده
چوخ ویرور قوم ستمگر
.
.
نهر علقمده باتوب آی
قارداش اولدوزلار داغلیدی
قتل و غارت قورخوسوندان
چوللره قیزلار داغلیدی
ای رشادت کانی قارداش
گل آدامسیزلار داغلیدی
تلّین اوستونده علم‌ویر
یغ اوشلاقلاری برادر
.
.
بوهمان‌زینبدی قارداش
چخمازیدون سن سوزوندن
سن آنام باجی دیردون
من ئوپردوم یوز گوزوندن
کوفیان ایندی ورولاّر
سیلی قیزلارین یوزوندن
غارت اولدی گوشواره
گیتدی یغمایه حرملر
.
.
اود دوشوبدی‌گلستانه
اود دوتوب گُل اودلانور گَل
خیمه‌لردن دود و آتش
عرشه ناله قوزانور گَل
باغبان باشسیز دوشوبدی
گُللری اوددا یانور گَل
گلشن دین یاندی قارداش
غنچه گُللر اولدی پرپر
.
.
غارت ایلور اهل کینه
معجر و زیب و لباسی
اللرینده تازیانه
گوزلرینده یوخ حیاسی
گاهواره غارت اولدی
اصغرین یاندی آناسی
کیمسه‌یوخ امداده یتسون
قالموشوق بی‌یارومضطر
.
.
اللّری باشدا حرملر
یوز قویوب صحرایه قارداش
تازیانه گه ربابه
گه دگور لیلایه قارداش
اِعتنا ایتمور جماعت
صوت واویلایه قارداش
اولسا امکانون گلنده
ائت مهیا قاره معجر
.
.
.
#غارت_خیام
#گل_ابوالفضلیم_هرایه
#ستوده_زنجانی
#ترکی
.
#زبدةالاشعار
.
: @nohe_torki