ای آستانی سجده گه عرش کبریا #رضویه_جاهد

مدح حضرت امام رضا علیه السلام
.
✍️ زبدة الاشعار ✍️
.
🆔: @nohe_torki
.
حاج علی پور علی ( جاهد )
.
ای آستانی سجده گه عرش کبریا
گرد حریمی دیدۀ جبریله توتیا
.
ای بارگاه قدسی ووران طعنه جنته
وی گنبدینده جلولنن نور هل اتی
.
صاحب لوای مکتب پر بار جعفری
یا ثامن الائمه سنه گوزلریم فدا
.
ای باج آلان جلالتی اجلال چرخدن
جانلارجلال وجاهیوه قربان رضارضا
.
من قطره ام جلالت دریانی بیلمرم
هرقطره ، فضلیوی گرگ علامه لریازا
.
یوخ یوخ غلطدی بو سوزیم عفوایله #جاهدی
وصف رضا هارا آقا علامه لر هارا
.
عاجزدی انس و جن و ملک شرح حالوه
چون وصف ائدوبدی شأنیوی قرآنیده خدا
.
والیل بیر اشاره دی قرآندا زلفیوه
معناده گول جمالوه والشمس و والضحا
.
بو یازدیقیم مطالبی یا ثامن الحجج
نادیده دوت عیان ائلییم دردیمی شها
.
بیر دلشکسته سائل درباریوم سنون
امیدیله کرم قاپوا گلمیشم آقا
.
بیردرده دوشمیشم آقا حاذق طبیبلر
عاجزدیلر دواسینه ای معدن سخا
.
بیرداغ وار سینمده کی آتشفشاندور
چاره محالدور آقا آتش فشان داغا
.
یولداشدی بو جگر داغی منلن عُمُوربویی
مرهم بو ، داغه ایستییرم یابن مرتضی
.
وئرم قسم سنی آقاجان اودلی سینوه
بیماروم قاپوندا ائله دردیمه دوا
.
سن شاه و من قاپونداکی درمانه سائلم
سندن روادی لطف و عطا مندن التجا
.
.
.
#رضویه_مدح
#ای_آستانی_سجده_گه_عرش_کبریا
#رضویه_جاهد #ترکی
.
✍️ #زبدةالاشعار ✍️
.
🆔: @nohe_torki