زبانحال حضرت زینب سلام الله علیها
به ساربان کینه پرور
.
#زبدةالاشعار
.
: @nohe_torki
.
مرحوم هادی تبریزی
.
گل اوسته بلبل دستان سرانی ویرمازلار
آتا جنازه سی اوسته بالانی ویرمازلار
.
ایدنده اوز گُلونه شِکوه خاریدن بلبل
ایشیدسه زاغ و زغن باغبانی ویرمازلار
.
دینمورم باباجان بو سپاه کین سیره
دیار گَبرده هیچ میهمانی ویرمازلار
.
منیم بو قارداشیمی گرمورسوز قولی باغلی
علیل و خسته اولان ناتوانی ویرمازلار
.
دیمولّه دختر زهرا وفالیدی زینب
ستمله دختر شیر خدانی ویرمازلار
.
بو نوعروسیدی شرم ایتموسوز بونی ویروسوز
عروس غمزده بختی قرانی ویرمازلار
.
ربابه بسدی علی اصغری ایچوب قانی
جداده صود امر عطشان بالانی ویرمازلار
.
سزادی لیلی بی خانمان اولوب مجنون
جوان بالاسی ئولن بینوانی ویرمازلار
.
باخاندا پیکرینه غملریم گلور جوشه
شفیع و مالک روز جزانی ویرمازلار
.
سو ایستینده بیری قتلگاهیده مجروح
سوسوز بوغازینه نوک سنانی ویرمازلار
.
ایدن زمانیده محراب عشقیده سجده
یارالی تشنه شه قل کفانی ویرمازلار
.
کمال جرأتیله داش آتان کمانداران
جان اوسته خسته امام زمانی ویرمازلار
.
ویرنده جان که دعا امّتین امام ایلوری
اولان اوز امّتینه مهربانی ویرمازلار
.
اگر شریح ساتوب دینینی ویروب فتوا
کلام حقّه اولان پاسبانی ویرمازلار
.
یزیده ویرمه سه ال ساربانینه ویرسه
یگانه بند دل مصطفانی ویرمازلار
.
ویراندا بحر بلا موج ایدن زمان طوفان
خدا سفینه سینه ناخدانی ویرمازلار
.
گلنده خیمه دن امداده باجی سی زینب
حیاده تالی خیرالنسانی ویرمازلار
.
گورنده قارداشینی خسته زینب دلگیر
دبیر که خامس آل عبانی ویرمازلار
.
چکیل کناره گیت ای ظالم جفا پیشه
خدای حق سوزونه مقتدانی ویرمازلار
.
حسینی ویرما، ایده حاشه باطله بیعت
حقیقت اوسته آچان پر همانی ویرمازلار
.
حسین ناجی عالمدی هم حسین باب نجات
ایکی جهانه اولان پیشوانی ویرمازلار
.
خلیلی قورتاران او دان بو شهیدور ظالم
جمالی آینۀ حق نمانی ویرمازلار
.
ویروبدی آب بقا خضره لعل عطشانی
اوتان که منبع آب بقانی ویرمازلار
.
ایدوبدی طلعتی موسانی طوریده مدهوش
یگانه مظهر دات خدانی ویرمازلار
.
غلام درگهی عیسا کنیزیدور مریم
بو عزّتیله شه اصفیانی ویرمازلار
.
یارا دگوبدی یارا اوستونه دِیَن اولموب
یارالیه یارا اوستن یارانی ویرمازلار
.
سوسوزدی سو ویرون ایچسون که جان ویرور عطشان
جان اوسته تشنه شه نینوانی ویرمازلار
.
باخور باباسی بونون طاق عرش اعلادن
منای عشقیده تشنه فدانی ویرمازلار
.
بو یرده ختم ایله “ هادی” سوزون فغانیله
که آشکاره کلام خفانی ویرمازلار
.
سبب بو قطعیه واقعده اولدی نوّابی
دیوبدی یاز شه بی اقربانی ویرمازلار
.
.
.
#کوچ_کربلا_هادی_تبریزی
#گل_اوسته_بلبل_دستان_سرانی_ویرمازلار
#ترکی
.
#زبدةالاشعار
.
: @nohe_torki
نظر دهید