در شهادت حضرت امام صادق (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
فیروز جوانشیر (خادم)
.
یا رسول الله بو گون قلب شریفون قان اولوب
صادق آل محمّد دینینه قربان اولوب
.
.
ماسواده بیر وجودی که اولا فخر امم
ذاتی ذاتون تک اولا حق محضرینده محترم
بیر بیله صاحب مقامین ای شه گردون حشم
قتلنه بولمم نه دستاویز نه عنوان اولوب
.
.
ائتمین عمرونده ارباب نیازی ناامید
گور روادور نقشه قتلین چکه قوم پلید
اوغلوی ائتسون عنادا دست ظلمیله شهید
بیر شقی منصور آدنلی ظالم دوران اولوب
.
.
بیر وجودی که وجودیدی جهانه افتخار
عزتندن ماسوا کسب ایلمیشدی اعتبار
ایستیوبدور دینی ائتسون تا جهان وار پایدار
اونداکی معمورۀ دینی گوروب ویران اولوب
.
.
حجت بر حقّ یزدان و اموراته بصیر
جهل امتله بو امر اولماز بولوب امکان پذیر
یا رسول الله اوغلون اوندا چون ماه منیر
امّتین تاریکی جهلنده خوش تابان اولوب
.
.
خسرو دین فاضل و دانای ال بوتراب
ائیلدی احساس فقر علم ائدر کونی خراب
فرصتی بولدی غنیمت خسرو گردون جناب
خلقی ارشاد ائتماقا آماده اول سلطان اولوب
.
.
بیله تصمیم و سلاح علمیله ائتدی قیام
تا که بسط جهله وئرسون یر یوزونده اختتام
ائیلدی بو نهضت فقهی ده سعی و اهتمام
لطف حقیله موفق اول شه خوبان اولوب
.
.
اوّلین بنیانگذار بسط شرع مصطفا
صادق آل محمّد دور جهاندا برملا
چون بولوردی علمی هرگز دیندن اولماز جدا
علم – دینیله همیشه مطرح و عنوان اولوب
.
سطح فکر جامعه چون یاخشی اولدی تربیت
تربیتدن علم معناده تاپوبدور معرفت
علمه ده پیرایه دینی ائیلیویدور عاقبت
مکتبی بو علته دنیاده جاویدان اولوب
.
.
مكتبینده پرورش وئردی او فاضل مقتدا
نئچه مین هشام لر تک اهل علم و پارسا
عاقبت دین آبروسی، میر اقلیم وفا
دست ظلمیله شهید فرقۀ دونان اولوب
.
.
تا ائیچوب جام شهادت مصر اسلامه عزیز
عالم امکاندا برپا اولدی شور رستخیز
اولدی نه تنها بو غمده آل طاها اشک ریز
ماسوا قدّین اگن بی شبهه بو فقدان اولوب
.
.
ابر غم تا پرده چکدی چهرۀ زیباسنه
غرق اولوب علم اهلی بو محنتده غم دریاسنه
خون دل گوزدن توکللر شیعه لر مولاسینه
قطب عالم جان ویروب قلب عوالم قان اولوب
.
.
عالم امکانی تا ترک ائیلدی جان جهان
انبیا یاسه باتوب گلدی نوایه قدسیان
فاطمه جنّاتیده آچدی باشین ائتدی فغان
محفل غم بو امامه روضۀ رضوان اولوب
.
.
شهریارا من قاپوزدا بیر غلامم روسیاه
ائیلورم اذعان خطا کارم واریمدور چوخ گناه
بیر نولی ائتسن من بیچاریه نیمه نگاه
فخریله عرض ائیلیوم سیزدن منه احسان اولوب
.
.
اوردا که خادمدی درباروزده جبریل امین
من کیمم دارا بو عنوانه اولام ای شاه دین
گر دیسوز «خادم» منه اولام سعادتله قرین
یوم وانفساده بولم دردیمه درمان اولوب
.
.
گر چه یوخ منده لیاقت «خادم» دربار اولام
اولما راضی خار تک تا خوار و بی مقدار اولام
ایله حجّاجیله دعوت قبریوه زوار اولام
ورد و ذکریم سن بولورسن «یابقیع» هر آن اولوب
.
.
#صادقیه_شهادت
#یا_رسول_الله_بو_گون_قلب_شریفون_قان_اولوب
#ترکی
.
✍️ #زبدةالاشعار ✍️
.
🆔: @nohe_torki
نظر دهید