گل ای پناه عالم امکان عمو گل #قاسمیه_خوندل_تبریزی

استمداد حضرت قاسم (ع)
..
..
..
..
سبک ها: #سبک_ای_درد_بی_درمانلارا … و با اضافه کردن واگیر : #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
..
مرحوم خوندل تبریزی
..
..
..
..
..
گل ای پناه عالم امکان عمو گل
جانیم گلن یولاریوا قربان عمو گل
..
..
..
..
..
بیر عاشقم راه وفاده جان نثارم
بیر رهروم کوی وصاله رهسپارم
بیر شاهدم سلطان عشقه انتظارم
ای شهریار عالم امکان عمو گل
..
..
..
..
..
من بیر یتیم بیقرارم اشکبارم
افتاده ام اشرار الینده زخمدارم
سندن ولی مین لطفه من امیدوارم
گل خاکسارون لطفوه قربان عمو گل
..
..
..
..
..
از بس عمو گل سسلدیم دوشدوم نفسدن
آز قالدی آیریلسون صدا جبراً جرسدن
سالدی منی آت دیر ناقی ظلمیله سسدن
گل قاسمون آز قالدی ویرسون جان عمو گل
..
..
..
..
..
بو جان نثاره ال تاپوب ظلمیله لشکر
ظلمینده نقصان ایتمیوب قوم ستمگر
از بس وروبلار جسمیمه شمشیر و خنجر
سو تک وجودیمدن آخور آلقان عمو گل
..
..
..
..
..
بیر زخمدارم اولموشام ظلمیله خسته
بیر بیقرارم ناتوان قلبی شکسته
آخر نفسده لطف ایله گل باشیم اوسته
تا مقدمونده جان ویروم عطشان عمو گل
..
..
..
..
..
وار قلبیمون نه سوزشی نه احتراقی
یا قتلیمه دشمنلرین نه اشتیاقی
شرحین وجودیمده یازوب آتلار ایاقی
قانیم بو صحرانی ایدوب الوان عمو گل
..
..
..
..
..
بیر آرزوسی دلده وار بو خسته حالون
قوی من غریبه منّتین آرتسا ملالون
ویرسه اجل مهلت اگر گورسم جمالون
بذل ایلرم اؤز جانیمی آسان عمو گل
..
..
..
..
..
وار بو قوم اوستن کوی عشقه رهگذاریم
بیر موهبتدور لطف ایدوب پروردگاریم
گل باشیم اوسته بیر دایان ای تاجداریم
دشمنلر اولسون لطفوه حیران عمو گل
..
..
..
..
..
دورد بیر طرفدن آچدی ال اهل عداوت
از بس یارالی جسمیمه دگدی جراحت
دوشدوم نفسدن دشمنیم تاپدی جسارت
اللرده قالدیم ای شه خوبان عمو گل
..
..
..
..
..
چوخلار قویوب شاها یوزین بو آستانه
چوخلار امیدین باغلیوب بو دودمانه
خوندلده بیر برگ نوا الده بهانه
آغلار گوزیله ایلیوب عنوان عمو گل
..
..
..
..
..