زبانحال امام در شهادت حضرت علی اصغر (ع)
.
#زبدةالاشعار
.
: @nohe_torki
.
#سبک_احوالیمیز_یاماندی … 10 سبک
.
مرحوم شهاب تبریزی
.
گل باجی آل بالامی ، اوخلاندی قان آپاردی
جان ویردی اللریمده ، آرام جان آپاردی
.
.
بیرده گلم خیامه گلمز باجی یوزومدن
اهل دل اولسا آنلار احوالیمی سوزومدن
بیر حاله قالمیشام من ، مأیوسم اوز اوزومدن
اصغر غمی دلیمدن نطق و بیان آپاردی
.
.
گل آل آپار آناسی ویر اوخشاسین بالاسین
اطرافنه دئ یغسین هم خویش و اقرباسین
دوتسونلا اصغریمون اکبر کیمی عزاسین
چون اکبریمدن آرتوخ مندن توان آپاردی
.
.
سو اولمادی آناسی ویرسین بو طفل زاره
گل تک سارالدی صولدی، یاندی بو شیرخواره
چوخ اینجیدی سوسوزدان گوردی یوخ اوزگه چاره
اوچ شعبه لی خدنگه آخر امان آپاردی
.
.
چون حرمله بالامی گوردی ویرور سوسوز جان
گوندردی پیشوازه بیر آبدار پیکان
دوتدی دم خدنگی شوقیله بو لب عطشان
پستان یرینه امدی ، بیله گمان آپاردی
.
.
سسلندی اوخ گلنده بولمم بالام نه قاندی
آلدی اوخون صداسین وحشتله بیر اویاندی
اوخ حلقینه توخوندی القانینه بویاندی
قان یاره سندن آخدی ، هوشه بیر آن آپاردی
.
.
آچدی گوزون یوزیمه باخدی تبسّم ایتدی
آلمیشدی اوخ توانین هوشه دوباره گیتدی
پرواز قیلدی روحی ، وصل بتوله یتدی
بو طفلی شوق زهرا ، ذوق جنان آپاردی
.
.
منقارینه آلور بیر بلبل نئجه گل تر
منده او نوعی ایتدیم بو طفلی زینت بر
واردور یری دیسونلر باجی منی گورنلر
بیر دسته قرمزی گل ، بیر باغبان آپاردی
.
.
هر گل آچار چمنده بیر مدّتی دایانی
ایلر باجی معطّر عطریله گلستانی
اما منیم بالامون بو غنچه لق زمانی
صولدوردی آب رنگین باد خزان آپاردی
.
.
بو چولده گوز یاشیم تک ، آب فرات آخدی
سوز عطش بالامی یاندیردی باجی یاخدی
گاهی گوزوم فراته گاهی بالامه باخدی
بو غم سو آبروسین تا وار جهان آپاردی
.
.
قویما «شهاب» الوندن دوشسون بو خامه بیجا
یاز نوحه آغلا ، ایسته ویرسونله نطق گویا
مرحوم اولان او «صافی» دم ویردی حال رؤیا
گوردون دئدی حسینه نوحه یازان آپاردی
.
.
#اصغریه_شهادت
#گل_باجی_آل_بالامی_اوخلاندی_قان_آپاردی
#ترکی
.
#زبدةالاشعار
.
: @nohe_torki
نظر دهید