مدح و میلادیه حضرت زینب(س)
#گریز به #قتلگاه
.
.
.
هدایتی تبریزی
.
.
گوز آچاندا عالمه اولدی سعادت زینبه
بیت زهراده یتوب فیض ولادت زینبه
.
.
دامن زهراده درس عشق و ایثار ئورگنوب
خط و مشی و سیرۀ زیبای ابرار ئورگنوب
خوش تفکّر، عالی گفتار، عالی رفتار ئورگنوب
بخشش و بذل و کرامت اولدی عادت زینبه
.
.
محضر زهرادن آلدی دین و قرآن درسنی
حکمتین درسین، تولّا درسین، عرفان درسنی
تزکیه درسین، طهارت درسین، ایمان درسنی
ئورگدوب زهراسی ایثار و رشادت زینبه
.
.
زهد و تقوا درسنی زهرادن آلدی روز و شب
خلق و خوی فاطمی کسب ایتدی اول والا نسب
علم و حلم و منطق و گفتار و کردار و ادب
فاطمیّت مظهری یتمش نهایت زینبه
.
.
محضر صدّیقه ده درس صداقت ئورگنوب
دارالایمنده گوروب حفظ امانت، ئورگنوب
راه و رسم و منطق دین و شریعت ئورگنوب
هر عملدن خوش اولوب ذکر و عبادت زینبه
.
.
هوش سرشاری اونی عمرونده هشیار ایلدی
فقه و علم و بینشی دینه طرفدار ایلدی
خواب غفلتده یاتان اشخاصی بیدار ایلدی
علم و دین تبلیغی تاپدی اولویّت زینبه
.
.
ئورگنوب هر آیه نین تأویلینی، تفسیرینی
بولدی بیر بیر حکمت تهلیلینی، تکبیرینی
توکدی هر امرین یرنده چاره و تدبیرینی
احسن احسن سویلدی پیر طریقت زینبه
.
.
دامن صدّیقه دن سیر و سلوکین باشلادی
معرفت اللهیدن توحید درسین باشلادی
بنده لیق عشقیله تحمید و ثناسین باشلادی
مرحبا احسن دیدی شاه ولایت زینبه
.
.
بیر به بیر فتح ایلدی علم و دیانت قلّه سین
آیه آیه ایلدی تفسیر قرآن مبین
حفظ ایدوب هر ناروادن گوزلرین، گوش و دلین
چشمه تک قلبنده جاری اولدی حکمت زینبه
.
.
خلقتی خوش، طینتی خوش، نیّتی خوش، فکری خوش
قامتی خوش، صورتی خوش، عفّتی خوش، ذکری خوش
همّتی خوش، دقّتی خوش، حرمتی خوش، شکری خوش
اهل عرفان و ادب ایلر ارادت زینبه
.
.
رگلرینده سیر ایدن قان استقامتلن عجین
تار و پود پیکری حبّ ولایتلن عجین
بنب بند اعضاسی ایثار و شجاعتلن عجین
مو به مو ارث پدر دور حیدریّت زینبه
.
.
قلبی مالامال اولان شور و نوای عشقدن
خسته و زار اولمویان درد و بلای عشقدن
دردینه درمان ایدن نسخه دوای عشقدن
زحمتی، عشق ایلدی کامنده لذّت زینبه
.
.
تابع دین، عالمه، باش اگمین زور و زره
ایلین حمد و ثنا هر حالدا حیّ داوره
فعل و رفتاری مطابق شاه مردان حیدره
حیدریّت بذل اولوب حیدر شباهت زینبه
.
.
خدعه و ریب و ریا و کذب و بهتاندان اوزاق
پستی و زشتی، پلیدی، عیب و نقصاندان اوزاق
نخوت و ظلم و جفا و کبر و طغیاندان اوزاق
ثبت اولوب رجس و پلیدیدن برائت زینبه
.
.
حق کلامین ایلین حق گو لبنده زمزمه
درس عفّت ئورگدن مام و زنان عالمه
قامتین گوسترمین بیگانیه ، نامحرمه
طرح اولوب تقوی لباسی سرو قامت زینبه
.
.
کامله، آگاه، عقیله، علم و حکمت صاحبی
مکنت و وقر و جلال و فرّ و عزّت صاحبی
عفّت و شرم و حیا و حجب و عصمت صاحبی
هر فضیلت وار یتوب صاحب فضیلت زینبه
.
.
با شجاعت، با شهامت، با رشادت، بامرام
باصلابت، با دیانت، با سخاوت، ذوالکرام
با نجابت، با اصالت، با نقاوت، با حشام
وصف نامه کیمدی یازسین بو #هدایت زینبه
.
.
مطلبی جمع ایلورم تا شعریمه طول اولماسین
قلبمین عرض ایلورم بوردا بو جمعه احساسین
هیچ جلالت صاحبین گوزدن زمانه سالماسین
هامّیدان چوخ روزگار ایتدی اذیّت زینبه
.
.
بیر گونون عرضنده مین درده دچار اولدی خانم
ابتلا و درد و محنتده حصار اولدی خانم
باتدی اعوانی قانا زار و نزار اودی خانم
حمله ور اولدی بلا غم ایتدی شدّت زینبه
.
.
#قتلگاه
.
قان ایچنده گوردی قارداشین دوشوب قان آغلادی
جسمنی گوردی ایدوب اوخ نیزه شانشان آغلادی
بیر حسینم وای دیدی اولدی پریشان آغلادی
اولمادی کیمسه دییدی سر سلامت زینبه
.
.
بولمورم آیا ندن دنیانی ویران اولمادی
اوندا کی زینب حسین نعشین یر اوستن قوزادی
ئوپدی نحر اولموش بوغازین یاندی یاندی آغلادی
یوز ویروب اوضاع جانسوز قیامت زینبه
.
.
سسلدی قارداش باجون ئولسون نه راحت یاتمسان
جام وصلی نوش ایدوب فیض وصاله چاتمسان
زینبی، قزلاروی، اهل و عیالون آتمسان
بی خبرسن اشقیا ایلور اهانت زینبه
.
.
بسترین قان،بالشین قان،پیکرین صدپاره قان
اللرین قان،حنجرین قان،سینن اوسته یاره قان
همدمین قان،مرحمین قان،ورمیسن گلزاره قان
ایلییدی بو یارالار کاش اصابت زینبه
.
.
سن بولورسن من سنی جانمدن آرتخ ایسترم
بیر کچیک بارماقوی دنیای دونه ورمرم
سن اولوبسان قطعه قطعه بس نیه من ئولمرم
قسمت اولمور بس ندن فیض شهادت زینبه
.
.
چوخ اذیّت ایلیوب اوچ شعبه پیکان جسموه
قانلی تپراق دور حنوطین غسل اولوب قان جسموه
زینبین جانی فدا اولسون بو شان شان جسموه
یوز ویرور باخدوقجا درد بی طبابت زینبه
.
.
گوزلریم قربان ئورک باشنده زخم کاریه
جان فدا بو اللرینده، حنجرینده یاریه
عالمین جانی فدا بو جسم پاره پاریه
وار کیمی سندن سورا ایتسین حمایت زینبه
.
.
.
.
نظر دهید