گل باجی دیدۀ گریانیمه باخ #اصغریه_کریمی_مراغه_ای

شهادت حضرت علی اصغر (ع)
زبانحال امام با خواهر
..
..
..
..
#سبک_گل_عموغلی_باشیمی_آل_دیزیوه
..
..
..
..
مرحوم کریمی مراغه ای
..
..
..
..
گل باجی دیدۀ گریانیمه باخ
آلتی آیلیق قوزی قربانمه باخ
گللریم سولدی پوزولدی چمنیم
قوجاقمداگل خدانمه باخ
اوره گیم یاندی باجی
بالام اوخلاندی باجی
..
..
..
..
سیل غم موج ایلیوب باشدان آشیر
قان گورور هر طرفه گوز ساتاشیر
حرمله اُنلوگینی ایتدى عوض
قرمز أُنلوک بالاما خوش یاراشیر
اوره گیم یاندی باجی
بالام اوخلاندی باجی
..
..
..
..
گل آپار سال بشیگه وای دیگیلن
بیر به بیر غملریمی سای دیگیلن
قزلاریم آلسین آرایه بشیگین
سنده ویر سس سسه لای لای دیگیلن
اوره گیم یاندی باجی
بالام اوخلاندی باجی
..
..
..
..
غم هجوم ایتدی ایتوردوم اوزومی
اشقیا قویدولا ناقص سوزومی
اوخ دگنده ایله باخدی یوزومه
من اوتاندیم باجی یومدوم گوزومی
اوره گیم یاندی باجی
بالام اوخلاندی باجی
..
..
..
..
سوکیمی قان یاراسندان سوزولور
آغ قماط اوستونه مرجان دوزولور
بیچدی خنجر کیمی اوخ حنجرینی
دوتماسام باش بدنیندن اوزولور
اوره گیم یاندی باجی
بالام اوخلاندی باجی
..
..
..
..
باجی سندیردیلا بال و پریمی
ظلمله دوغرادیلار اکبریمی
دیلیلن سوددن آچاللار اوشاقی
اوچ پر اوخ سوددن آچوب اصغریمی
اوره گیم یاندی باجی
بالام اوخلاندی باجی
..
..
..
..
بولاری کور ایلیوب جاه و مقام
تانمولّار منی بو قوم عوام
بو مگر اجر رسالتدی بیزه
ایتدیلر آب گوارانی حرام
اوره گیم یاندی باجی
بالام اوخلاندی باجی
..
..
..
..
سارالان غنچه بوداقمدا قالوب
قانلی قنداقی قوجاقمده قالوب
یوزون اؤپدیم باریشاق گوگلون آلام
بالامین قانی دوداقمده قالوب
اوره گیم یاندی باجی
بالام اوخلاندی باجی
..
..
..
..
اوخلاناندا حالیمی بولدی بالام
فوری باخدی یوزومه گولدی بالام
تا بلکدن چخادام اللرینی
من آچنجا بلکین ئولدی بالام
اوره گیم یاندی باجی
بالام اوخلاندی باجی
..
..
..
..
آناسندان یانارام چوخ بالاما
بیر ایچیم سو دیدیلر یوخ بالاما
آلتی آیلیق بالامین جُرمی ندور
نه روادور وورالار اوخ بالاما
اوره گیم یاندی باجی
بالام اوخلاندی باجی
..
..
..
..
بیر اوخی قالدی باجی حرمله نین
ساخلیوبدى منه اول شوم و لعین
نعشیمون اوسته گلنده گوره سن
قانلی قلبیمده او تیرین اثرین
اوره گیم یاندی باجی
بالام اوخلاندی باجی
..
..
..
..
وقت اولوب منده مرامه چاتارام
قانمی منده بو قانه قاتارام
سیز گیدر سوز وطنه حسرتیلن
بالامی سینمه آلّام یاتارام
اوره گیم یاندی باجی
بالام اوخلاندی باجی
..
..
..
..
ای کریمی ئولومی یادیوه سال
یتور عمرین گونونه وقت زوال
روز محشرده سنه یوخدی سئوال
سینه وه وورسا آقان قانلی مدال
اوره گیم یاندی باجی
بالام اوخلاندی باجی
..
..
..
#اصغریه #کریمی_مراغه_ای #اصغریه_شهادت #ترکی #زبدةالاشعار