زبدةالاشعار

عمو جان رخصت میدان وئر ائتسین جان فدا قاسم #قاسمیه_علی_شهودی

اذن میدان حضرت قاسم (ع)
.
.
علی شهودی
.
.
عموجان رخصت میدان وئر ائتسین جان فداقاسم
اولوب سرمست جام البلا و للولا قاسم
.
فراز عرشدن باخسین آتام میدان هیجایه
فنون رزمیمی گورسون دئسین صدمرحبا قاسم
.
منه بالدان شیرین دیر آستانیندا شهید اولماق
سعادتدیر کی یازسینلار شهید کربلا قاسم
.
مگر تیغ جفائیلن جدا اولسون الیم یوخسا
ال اوزمز دامنیندن شهریارا مطلقا قاسم
.
الا ای آفتاب آسمان عزو آزادی
کی هر دم مهر روییندن ائدر کسب ضیا قاسم
.
شهادت حجله سین آماده ائتسینلر ملک لر قوی
الینده قویسون اول بزم طربده قان حنا قاسم
.
خلاصه اذن میدان آلدی سلطان بلا‌کشدن
شعفدن آز قالیب آچسین پر اول فرخ لقا قاسم
.
سپاه ظلمتی تالان ائدیبدیر برق شمشیری
نه باشلار ائیلدی بیر باش قیلینجیلان جدا قاسم
.
اوآزسِنّ ایله چوخ دشمن دن ائتدی دوزخه واصل
ستیغ عزته ووردی شهامتله لوا قاسم
.
اوبچه شیری صید ائتماقه روبه لر کمین ائتدی
نهایتده یئدی فرق سریندن بیر یارا قاسم
.
یئخیلدی توپراغا یوز دوتدو شاه آسمان جاهه
عموجان داده گل اولموش فراقه مبتلا قاسم
.
شتابان گلدی چون بازشکاری باشی اوسته شاه
دئدی ای نور چشمیم یادگار مجتبی قاسم
.
عمون اولسون سنه قربان سنی کیم سالدی بو حاله
نه دندیر ائتمه دی ماه جمالیندان حیا قاسم
.
نقدری سسلدی سس گلمدی عطشان دوداقیندن
کی اولموشدی قتیل تیغ کین اشقیا قاسم
.
گتوردی آهیلن یئردن خیامه حمل ائدیب نعشین
بویوردی چوخ چتین گلدی منه بو ماجرا قاسم
.
نئجه تاب ائیلسین مظلوم آنان بو داغ هجرانه
اولوبدور قامت صبری فراقیندان دوتا قاسم
.
علی اکبرین نعشی کناریندا دوتوبدور یئر
دیار نینوانی ائیلییب غرق نوا قاسم
.
اولوبدور قید تندن طایر روحی رها اوچدی
ریاض خلده زینت وئردی چون سرو رساقاسم
.
سرشکیلن شهودی یازدی بوابیات جانسوزی
شفاعت ائیلسین اوندان کی تا روز جزا قاسم
.
.
#قاسمیه #قاسمیه_شجاعت #قاسمیه_شهادت #ترکی #علی_شهودی #زبدةالاشعار

متن پیشنهادی:  یات ای غم غصه لردن دینجلن مظلوم آنام وای #مادر_محمدی_ناعم

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی