گل باجی گل دایانما میداندا قان توکوللر #عباسیه_حسن_جهازچی

زبانحال حضرت سیدالشهدا(ع) به خانم زینب (س)
.
.
مرحوم حاج حسن جهازچی
.
.
گل باجی گل دایانما میداندا قان توکوللر
عباسیمی یخوبلار تیر و سنان توکوللر
.
قرآن ناطقم من جلدیمده قارداشیمدی
قرآنه گور نه اوخلار قرآنیان توکوللر
.
سو تک آخور قیزیل قان قارداشوون قولوندان
بیر مشک سودان اوتری نهر اوسته قان توکوللر
.
ال یوخ علم یاتوبدی مشکی قالوب دیشینده
بو حاله اشک ماتم کروبیان توکوللر
.
گلزار ظلم الیله زاغ و زغن دولوبدی
گول وقتی گلستاندا برگ خزان توکوللر
.
بیر ال سیزه تاپوب ال بیر دسته قوم کافر
داش نیزه اوخ هوادن ویرموب امان توکوللر
.
اطفالیمه خبر ویر دشمن چاتوب مرامه
طرح اسارت ایندی سفیانیان توکوللر
.
صیّادیلر بو چولده نخجیری دامه سالسون
زنجیر قیدین اوسته هی ریسمان توکوللر
.
هر دم دیور سکینه الله عموم گلیدی
گوز یاشینی عذاره لب تشنگان توکوللر
.
قیزلار دوروبدی صف صف اللرده بوش سو جامی
خون دلین عذاره گل بانوان توکوللر
.
سسلندی گل ابوالفضل دشمن ایچینده قالما
دشمن ایدوبدی حمله تیغ و سنان توکوللر
.
وئرموله سو گتورمه وئر مشکوى اوزون گل
مخیمده خیردا قیزلار اشک روان توکوللر
.
سو یوخدی خیمه لرده عطشان قالوب حرملر
سو اوسته گور نه قانلار بو کوفیان توکوللر
.
.
#عباسیه #حسن_جهازچی #عباسیه_شهادت #ترکی #زبدةالاشعار