گله ایندی بیزه کاش یار، سَحَردَن، سَحَره #مهدیه

سَحَردَن، سَحَره …
.
✍️ زبدة الاشعار ✍️
.
🆔: @nohe_torki
.
.
مرحوم حاجی مائل علی اف
.
گله ایندی بیزه کاش یار، سَحَردَن، سَحَره،
اؤزگه بیر عالمی کیم وار، سَحَردَن، سَحَره
.
نه کی، کؤنلومده اولان درد و غمی بیر نوعی،
ائیلییدیم اونا اظهار، سَحَردَن، سَحَره
.
سحرین باشقا لطافتلیگی وار عالمده،
جانلانیر صحنۀ گلزار، سَحَردَن، سَحَره
.
خار الیندن گول اوچون بولبولو، بیچاره،همن،
هم چکر ناله و حضّار، سَحَردَن، سَحَره
.
خالق آراسیندا مثال وار کی: «گؤزللر نسلی
کیم اولور اینجئیی رفتار، سَحَردَن، سَحَره»
.
هر نه کیم، نسگیلی، یا درد و غمی اولسا ایدی،
عرض ائدردی منه دلدار، سَحَردَن، سَحَره
.
#مائلا! بو غزلی کیم اوخویور، ذوقه یئتیر،
یارانیر چون بئله اشعار، سَحَردَن، سَحَره
.
.
#غزل
#مهدیه
#گله_ایندی_بیزه_کاش_یار_سحردن_سحره
#مائل
#ترکی
.
✍️ #زبدةالاشعار ✍️
.
🆔: @nohe_torki