زبانحال حضرت فاطمه زهرا سلام الله علیها
.
.
.
مرحوم سیّد حسین #کهنمویی
.
گل جان ویرورم آیریلورام سندن عم اوغلی
آیریلما نه قدر ئولمه میشم مندن عم اوغلی
.
.
.
هر دم ئولوم آثاری اولور منده نمایان
صون وقتلریمدور منیم ای سرور دوران
قرآن سسیوی چوخ سویرم گَل اوخی قرآن
آیریلما نه قدر ئولمه میشم مندن عم اوغلی
.
.
.
بلبل ستم خاریله آیریلدی چمندن
من دویمادیم عالمده حسینیله حسندن
آز قالدی چخا فاطمه نین روحی بدندن
آیریلما نه قدر ئولمه میشم مندن عم اوغلی
.
.
.
هرگز دیمورم آغلاما، یان سینوی داغلا
جان تاپشورورام آغلا، صاق اولسون باشون آغلا
قوی فاطمه ئولسون گوزون اوندان صورا باغلا
آیریلما نه قدر ئولمه میشم مندن عم اوغلی
.
.
.
جانیم سنه قربان اولا ای شاه ولایت
واردی بولوسن سینه ی زهراده جراحت
تاپشور مَلَکُ الموته آلا جانیمی راحت
آیریلما نه قدر ئولمه میشم مندن عم اوغلی
.
.
.
ازبس ایلیوبلر بو جماعت منه توهین
تشییعیمه قویما گله لر، دفن ایله گیزلین
قوی قبره منی نصف شب ایت قبریمی ایتگین
آیریلما نه قدر ئولمه میشم مندن عم اوغلی
.
.
.
یوخدور بولورم آیریلیقین دردینه چاره
هیهات گورم گل یوزیوی بیرده دوباره
گل آل دیزون اوسته باشیمی گیتمه کناره
آیریلما نه قدر ئولمه میشم مندن عم اوغلی
.
.
.
ویرموش اوز آتام مژده که سن تیز ئوله جاقسان
چوخ اینجیموسن شاد اولاجاقسان گوله جاقسان
دین خدمتی نون قیمتین اوندا بوله جاقسان
آیریلما نه قدر ئولمه میشم مندن عم اوغلی
.
.
.
ناحق چالیشور ثروت دنیانی آپارسون
مومن چالیشور قبرینه ایمانی آپارسون
گلدی اوز آتام غمزده زهرانی آپارسون
آیریلما نه قدر ئولمه میشم مندن عم اوغلی
.
.
.
چوخ اینجیموسن رنجش درد و محنیمده
بیر زحمتیم آرتار سنه غسل و کفنیمده
پیراهنیمی قوی قالا یورقون بدنیمده
آیریلما نه قدر ئولمه میشم مندن عم اوغلی
.
.
.
بیر غم دیمه هرگز قویار آسوده من ئولّم
دشمن کسه جاق اوغلون حسین باشینی بولّم
خولی ایوینه شام غریبانینه گلّم
آیریلما نه قدر ئولمه میشم مندن عم اوغلی
.
.
.
دنیاده «ریاضی» ساییلور شیعه لروندن
آگاهدی فردای قیامت خبروندن
هنگام شفاعت اونی سالما نظروندن
آیریلما نه قدر ئولمه میشم مندن عم اوغلی
.
.
.
.
.
#فاطمیه_شهادت
#گل_جان_ویرورم_آیریلورام_سندن_عم_اوغلی
#ریاضی_تبریزی
#ترکی
.
✍️ #زبدةالاشعار ✍️
.
🆔: @nohe_torki
نظر دهید