راه شام
زبانحال حضرت لیلا(س) با سر مبارک علی اکبر(ع)
.
#زبدةالاشعار
.
: @nohe_torki
.
#سبک_زینبم_جان_اوستیم …
.
اشکی تبریزی
.
گل جمالون نیزده چون ماه تاباندور على
فرقتونده لیلی غمدیده گریاندور على
.
.
زحمتون چکدیم سنون اون سگیز ایل شام و سحر
وئردون آخرده منه یاخشی اوغول شیرین ثمر
نیزه باشوندا باشوندان اخذ نور ایلر قمر
بولمورم آیدور و یا خورشید رخشاندور على
.
.
زلف مشکینون اولوب حاله او مه رخساریوه
نیزده باخدوقجا یانّام روز و شب احوالیوه
منله بیر کلمه دانش چوخ مایلم گفتاریوه
صحبتون درد دل لیلایه درماندور علی
.
.
قانلو باشین نیزده چون پرچم فتح و ظفر
شامه تک محمل قباقنده علی زلفون اسر
هجروه طاقت گتورمز لیلی خونین جگر
فرقتونده گوزلریم هر لحظه گریاندور علی
.
.
گورنجه ظلم ایلوری بو قوم بی پروا منه
بیر سنق محمل اولوبدور مسکن و مأوا منه
تنگ اولوبدور سن ئولن گوندن على دنیا منه
درد و غمدن گوگلومون جامی دولو قاندور علی
.
.
دهریده ای نور عینیم اولموشام بیچاره من
دوشمشم دشمن الیندن کوچه و بازاره من
فرقتونده اولموشام بیر گور نجه آواره من
خاطریم زلفون کیمی چوخ چوخ پریشاندور علی
.
.
لیلیم امّا سنون عشقون منی مجنون ایدوب
بار غم دنیاده من بیچاره نی دلخون ایدوب
فرقتون گوز یاشیمی مثل شط جیحون ایدوب
باعث بیر بیله غم البته هجراندور علی
.
.
حق یولوندا شوقیله دلدن بویاندون قانوه
جانوی لب تشنه ویردون سن اوغول جانانوه
منده بو دنیاده یانّام آتش هجرانوه
قانلو باشون نیزده آی تک نمایاندور علی
.
.
ماه تک نور جمالون عرش اعلادن اوغول
طلعت رویون اولوب آفاقه نور افکن اوغول
گوندوزوم تشخیص اولونمور لیل یلدادن اوغول
عرش و فرش از بسکه نوروندن درخشاندور علی
.
.
«اشکیم» اما دخیلم مظهر پیغمبره
روز و شب قان آغلارام شبه نبیِّ داوره
گوز یاشین قیلّام ذخیره الده روز محشره
معصیت کارم بو سوزنر آلده عنواندور على
.
.
#راه_شام_اشکی_تبریزی
#اکبریه_اکبریه_شهادت
#گل_جمالون_نیزده_چون_ماه_تاباندور_على
#ترکی
.
#زبدةالاشعار
.
: @nohe_torki
نظر دهید