السلام علیک یا امّ ابیها
.
✍️ #زبدةالاشعار ✍️
.
🆔: @nohe_torki
.
مرحوم انور اردبیلی
.
صدره نشین حرم مصطفی
سدره مکین خیم کبریا
همسر مرضیه فر مرتضی
مام حسین و حسن مجتبی
بانوی صدیقه و والا مقام
حضرت زهرا علیها سلام
.
.
درگهینون خادمی فوج سروش
زیب جنان حلقۀ عصمت بگوش
دایرۀ عاطفه ده سخت کوش
تخت عفافه ملکه ساده پوش
آینه تک صاف و مصفا گوگل
پنج تنون سرورینه سینه گل
.
.
هر گیجه سی لیلۀ قدره مثال
هر گونوزی روشن و رحمت خصال
هر یوزی بیر مطلع صبح جلال
هر سوزی بیر گوهر کنز کمال
خلقتی اعجاز خدای جلیل
بیر لبی کوثر بیریسی سلسبیل
.
.
واقف اسرار حدوث و قدم
خطّۀ توحیدیده ثابت قدم
طاهره خو پاک نفس پاک دم
منتخب و محتجب و محترم
خاک قدومی شرف توتیا
عشقی اولان جان مسینه کیمیا
.
.
سوز ریاضتده ایدن سوز و ساز
شاهد شور افکن دنیای ناز
محنت اسیری غمی چوخ عمری آز
مدفنی گزلین محنی جانگداز
چاره یولون دست جفا باغلیان
دردی علینون اورگین داغلیان
.
.
فخر نساء طاهرۀ امّهات
زندگیه ایلمدی التفات
قلبه ده یوز ایلدی ترک حیات
یومدی گوزل گوزلرین اول پاک ذات
اشگلی مژگانی تاپوبدور نظام
خواب اجل ایتدی او خاتونی رام
.
.
گرد بلایه بوکلوب آسمان
حُزنه دونوب شادی اهل جنان
زلفون آچوب توکدی یوزه حوریان
اشک عزا یوزلره اولدی روان
سسلدیلر ئولدی جوان فاطمه
زُهره نشان اشک فشان فاطمه
.
.
حیدر ایوی دوندی عزاخانیه
بُهت آپاروب اوخشادی ویرانیه
جغدیلار قوندی او کاشانیه
دورد بالاسی اوخشادی پروانیه
آلدیلا سونمش چراغین دوره سین
هر بالا بیر نحوه اوجاتدی سسین
.
.
دوتدی نوا مرتضوی منزلین
اوخشامیا زینب آچوبدور دیلین
گرم ایلدی اشک و عزا محفلین
یاخشی بُلَر قز ننه نون نسگلین
گاهی دیدی آی نه نه گه وای نه نه
نسگلوه یوخدی سنون سای نه نه
.
.
اشکیم آخار صورته کپریگ سانی
سنکیمی مظلومه شهیده هانی
دگدی قاپی سینوین آخدی قانی
محسنوین چخدی او گونکه جانی
سنده گلوندن آرالی قوش کیمی
نالیه گلدون یارالی قوش کیمی
.
.
اولدی جری امّت بی شرم و عار
نوره تعدّی ایلدی اهل نار
صحنه سنی یخدیلار زار و نزار
قالدی غلافنده ایتی ذوالفقار
حیدر الین قید زمان باغلادی
باخدی سنه بیکس آتام آغلادی
.
.
باشوه گلدی فدک اوسته نه لر
حقّوه اوز جانوی ایتدون سپر
آینۀ حُسنوه یتدی خطر
محنتوی درک ایلدیم سربسر
سیلی وران ایتمشیدی چاره سیز
گلمشدون منزله گوشواره سیز
.
.
سالمشیدی بیر گوزوه لکّه قان
خسته بدن خسته نفس خسته جان
هرچه دیدیم گل یوزوی ویر نشان
واردی یادیمدا منه ایتدون بیان
سیلی وران قویمادی منده دوزوم
فکر ایدورم دوتمش آلو یوز گوزوم
.
.
گیتدی خبر گلدی ایوه مرتضی
دهلیزه یوز قویدی او دورت بینوا
هر بیریسی باشی آچیق بی عبا
زینب اورکلندی دیدی جان بابا
ئولدی نه نم غصّه مزه یوخدی سان
سویگلوین ماتمی دور هارداسان؟
.
.
منزلینه کچدی ولیِّ الاه
گوردی باتوب ابر هلاکتده ماه
رحلت ایدوب بانوی مرضیّه جاه
آچدی یاخاسین اوتوروب چکدی آه
سسلدی ای چرخ حیا اولدوزی
بیکس عم اوغلوندی گلوب عم قزی
.
.
وارد اولان وقتده من منزله
صحبت ایدردون منه بیر سلسله
سویملی سوزلر گتورردون دله
دردیمی بو ایوده کیمیم وار بله
دوشدی اوشاقلار الینه دامنیم
مرگ سنون حقّونیدی یا منیم
.
.
ترک گلستان ایلسه باغبان
گل لرینی فوری سارالدار زمان
یومّما گوزل گوزلرون ای جان جان
قبر ایوینه گیتمه بیله نوجوان
ویرمه رضا گل لرون آفت گوره
لاله لرون رنگینی الدن ویره
.
.
زینب آچوب گور نجه گیسولرین
صفحۀ رخساره توکوب مولرین
توز بوریوب گوزلرین ابرولرین
رام ائت علینون ملر آهولرین
قویماسان اطفالوی برنامه سیز
اگلشوب اوغلانلارون عمّامه سیز
.
.
دورد بالا بیر محنتی چوخ بوتراب
گوزلرینی ایتدیلر آغلار سحاب
توکدیله صورتلرینه اشکناب
گتدی اوگون مغربنه آفتاب
شام غریبانیدی شام عزا
اولدی علینون ایوی محنت سرا
.
.
قالدی چراغسیز گیجه پروانه لر
قویدی باشین چگننه دُردانه لر
تل لرینه حسرت اولوب شانه لر
نیمه نگه نرگس مستانه لر
دیل لرینون ازبری هر آن نه نه
لبلرینون زمزمه سی جان نه نه
.
.
گوردیکه یورقوندی حسین و حسن
گلدی سوزه زینب زیبا سخن
چوخدی چراغسزدی دئدی انجمن
یاندیرارام شمع غمی دلده من
خوش گونی بستانی باغی نیلورم
ئولدی نه نم من چراغی نیلورم
.
.
ماه چخوب نیّر زرّین یاتوب
زهره لقب بو گیجه سنگین یاتوب
تل لری رخساریده چین چین یاتوب
بال و پری خسته گویرچین یاتوب
لانه سینی ترک ایده جک بو گیجه
گتملی مهمان گیده جک بو گیجه
.
.
قبر ایوینه دختر یاسین گیدور
ترک مدار ایلدی پروین گیدور
قلبده وار نسگلی مین مین گیدور
گوندوز ئولوبدور گجه گزلین گیدور
جام غمی ساقی کوثر ایچور
الده ئولن یارینه خلعت بیچور
.
.
تعزیه سین خوار ایلیوب روزگار
بزم عزاسینده هانی قونشولار
دردی ایدوبدور منی دیوانه وار
نه باجیسی واردی نه قارداشی وار
غنچۀ عُمری سولانا آغلارام
قاتلی نامرد اولانا آغلارام
.
.
#فاطمیه_انور_اردبیلی
#فاطمیه_شهادت
#صدره_نشین_حرم_مصطفی
#صدای_عاشورا
#ترکی
.
✍️ #زبدةالاشعار ✍️
.
🆔: @nohe_torki
نظر دهید