غارت خیام
.
✍️ زبدة الاشعار ✍️
?: @nohe_torki
.
مرحوم تائب تبریزی
.
گل داده حسین عترت طاهانی سویولّار
زهرا قیزی صدیقۀ صغرانی سویولّار
.
نه جور و جفادن اوسانولّار نه دویولّار
اهل حرمی سویماقا تشکیل قورولّار
اطفاله گهی قمچی گهی سیلی وورولّار
بی نظم قوشون جمع پریشانی سویولّار
.
ایتدوقجا بو اشرار عرب هلهله قارداش
وحشت ویرور اوز عترت خونین دله قارداش
مین وحشت و هولیله قاچولّار چوله قارداش
چوللرده دوتوب عترت زهرانی سویولّار
.
بو چولده گلوب یوم جزا شوری عیانه
دامانی دوتوب اود گلوری بعضی فغانه
ناچار قاچور آت قاباقیندا یانا یانه
جبراً دوتوب اول دامن سوزانی سویولّار
.
صحرای بلانی بوریوب بانگ هیا هو
بی پرده قاچور چوللره اطفال پری رو
اطرافی دوتوب بیر نچه اهریمن بدخو
بلقیس صفت آل سلیمانی سویولّار
.
خوفیندن اولوبدور بیرینین پاره دوداقی
اولموش بیرینین آبله قاچماقدان ایاقی
ظلمیله اولوبدور بیرینین یاره دوداقی
هر بیر یارالی دیده سی گریانی سویولّار
.
بیر یاندا خانم قزلاریوی آتلار ایاقلار
بیر سمتیده آواره قالوب خوردا اشاقلار
هر قیز یتوشوب بیر قیزی هولیله قوجاقلار
اول حالیله گل چهره صبایانی سویولّار
.
یورقون بالالار شوریله فریاده گلولّر
غربال کیمی گوز یاشینی گوزدن الولّر
آهوی رمیده کیمی اطفال ، ملولّر
مین اوچی بیر آهوی گریزانی سویولّار
.
اسلامی آتوب دعوی اسلام ائلینلر
اللهی دانوب کلمه تکبیر دینلر
قرآنی ساتوب درهمه قرآن اوخینلر
اهل حرم ناطق قرانی سویولّار
.
گل بلبله ننوع ویرر یر بوداقیندا
ایله بالاسین هر آنا دوتموش قوجاقیندا
میداندا قاچار صاق صولا آتلار قاباقیندا
هم طفلی همی مادر نالانی سویولّار
.
اولسون او گوزوندن ایراق ای خسرو خوبان
مین غارت ایدن بیر سویولاندور سنه قربان
غارت نجه غارت آنام اوغلی نجه تالان
قوی فاش دیوم زینب کبرانی سویولّار
.
باخمولّا بالان خسته و بیماریدی قارداش
تاب و تبه بو چولده گرفتاریدی قارداش
غارت چی جماعت ایله بیعاریدی قارداش
اول ناخوش و بیتاب و توانانی سویولّار
.
بیر یاندا آلوب شمر الینه خنجر خونخوار
سجّادۀ سجادی ایدوب غارت او بیعار
بو حالی گوروب خورداجا قیزلار ایله قورخار
قیزلار ملشور عابد نالانی سویولّار
.
سجّاده وی آچموشدی رقیّه یره تازه
گوزلوردی سنی گونده کی عادتله نمازه
ناگاه دوشوب نقشۀ سیلی رخ نازه
سسلور بابا جان گل سنه جانانی سویولّار
.
مقهوریدی بو دشتیده ناکسلره کسلر
از بس قاچوب اطفال دوشوب تنگه نفسلر
کلثوم علمداریوی امدادینه سسلر
امر ایله گله خواهر سقانی سویولّار
.
باخمازلا ربابین گولی سولموش بوداقیندا
خندان ایلیوب دست اجل غنچه چاقیندا
صبری تالانوبدور یری بوشدور قوجاقیندا
رحم ائتمیوب اول طاقتی تالانی سویولّار
.
#سبک_ای_باد_صبا ( بیش از 7 سبک)
.
#غارت_خیام
#گل_داده_حسین_عترت_طاهانی_سویولار
#تائب_تبریزی
#ترکی
.
✍️ #زبدةالاشعار ✍️
?: @nohe_torki
نظر دهید