راه شام
.
.
واصف مرندی
.
.
گر ائشیدسن کی بالون چولده قالیب نیلرسن
دشمنین سیم و زرین الدن آلیب نیلرسن
یوزونه سیلی ویریبلار سارالیب نیلرسن
اعتقادین وار اگر آغلاماقا اولما شکیب
گور حسینین قیزی شامات یولوندا نه چکیب
.
.
یاغدی باران بلا شامین اوزون یولّارینا
ویردیلار بند ستم اهل وفا قولّارینا
او بالا اولدی پناهنده تیکان کولّارینا
قورخودان نه دورا بولدی نه آتا بولدی قدم
دئدی آلله کمک اول هر طرفه نابلدم
.
.
قارداشین گورسه اگر عالم رؤیاده باجی
یتورر کامینه یوخ آیری سوزه احتیاجی
یوخی شیرینیدی اما صوراسی اولدی آجی
دئدی الله اورگیم نازیله دینجلمیشدی
منه خاطر علی اکبر بو چوله گلمیشدی
.
.
بولمورم کیم منی چکدی بو بیابان غمه
نه الیم عمّه مه چاتدی نه ده اهل حرمه
بیرده آلله منی نامرده گرفتار ائلمه
چپ باخیردی منه یولّاردا ائدیردی عجله
قورخورام زجر دالیمجا بو بیابانه گله
.
.
کربلادن قوتولوب نیّت شام ایلمیشم
نه مصیبتلره یولّاردا دوام ایلمیشم
ساربانلارَه ده اوّلده سلام ایلمیشم
زجریده گلسه سلام ائلییرم اوّلده
ویرماقا قالمیا تا اینکه بهانه الده
.
.
زجر گلدی ولی برنامه نی برهم ویردی
بیر جسارت ائلدی باشینه عالم ویردی
همی دانلادی او مظلومه قیزی هم ویردی
زجرین ئوز یولداشی کی شاهدیدی ماجریا
اورگی یاندی ستم ساعتی کچدی آریا
.
.
دئدی ای زجر بونون وار نه گناهی ویریسان
گوروسن عرشه چیخیب ناله و آهی ویریسان
بیر اسیریندی سنین یوخدی پناهی ویریسان
گر یوزونده قالا بو سیلیِ ظلمون اثری
ئوزلرین ئولدوره جاق گورسه اگر عمّه لری
.
.
دئدی مین مرکبیمه عرصه تیکانلیقدی قیزیم
شام یولّاری خطر گهدی قرانلیقدی قیزیم
عمّه وین غافله سینده نگرانلیقدی قیزیم
دئدی جایز دیی بو امر مسلّم یا شیخ
سیزیلن مینسم آتا دیللّنر عمّه م یا شیخ
.
.
سیز مینین آتلاریزا منده پیاده گلرم
دینمرم اشکیمی گیزلینجه عذاره الرم
چاتارام غافله میزده بی بیمه دینجلرم
کعبه ی عشقه چاتار قانلی منانین حاجی سی
سربلندانه گئدر بو یولی اکبر باجی سی
.
.
چاتدیلار غافلیه اهل حرم آغلاشدی
ناقه لردن توکولوب هامّی قباقه قاشدی
باشدان عمّامه سینی سیّد سجّاد آشدی
دئدیلر بسکی آچیب اشک سیلیب آغلاماقا
گوردولر گلدی باجی یاره سینی باغلاماقا
.
.
نه باخیب عمّه لره نه باجی نه قارداشینا
دایانان نیزه نی تاپدی بویانیب گوز یاشینا
او قبار چالمیش ایاقلاریلا دوندی باشینا
دئدی عفو ایله بابا غافله نی ساخلامیشام
غملی چوللرده یارالی باشوا آغلامیشام
.
.
بیر سوز دانیش بو درده گلن قلبیمی بوشات
فریادیمه بو بند بلالی مکاندا چات
یا گل اشاقه یا منیده نیزیه چیخات
چون آلمیسان قوجاقه نچه روزگار
سنده منیم قوجاقیمه گلسن نه عیبی وار
.
#راه_شام #واصف_مرندی #ترکی #زبدةالاشعار
نظر دهید