زبانحال حضرت زهرا سلام الله علیها
.
.
#سبک_کوفیان_گور_نجه_یاندیردی_منی #سبک_کربلا_قبله_عشقیمدی_منیم و #سبک_اویان_ای_یار_وفاداریم_اویان
.
.
مرحوم سید حسین رجایی
.
گل عمو اوغلی باشیمی آل دیزیوه
توکمه گوز شبنمیوی گل یوزیوه
آیریلیق دوزدی چتین مرحله دی
آغلاما فاطمه قربان گوزیوه
.
.
یتشوب موسم هجران اولورم
غصه دن باغریم اولوب قان اولورم
یوخ ئولوم دردینه درمان اولورم
آغلاما فاطمه قربان گوزیوه
.
.
دولدوروب سینه می اندوه و محن
گدیرم محضره پیغمبره من
دویموشام بو دیریلیقدان بولوسن
آغلاما فاطمه قربان گوزیوه
.
.
هجر پیغمبره یوخ منده دوزوم
آغلری بسر نچه مدّتدی گوزوم
گوزلوری قابض الارواحی گوزوم
آغلاما فاطمه قربان گوزیوه
.
.
گل غنیمتدی بو آخر نفسیم
صون نفسده منیم اول دادرسیم
بولوسن ئولماقا وار چوخ هوسیم
آغلاما فاطمه قربان گوزیوه
.
.
حقیمی اهل جفا الدن آلوب
غصّه تاثیریدی رنگیم سارالوب
سنه نسگلدی الیم یوزده قالوب
آغلاما فاطمه قربان گوزیوه
.
.
نه روا مجلس شورا قورالار
رای آلوب درگهیمی یاندیرالار
نیلمیشدیم منه سیلی ورالار
آغلاما فاطمه قربان گوزیوه
.
.
بزم خلوتگه یاره گدیرم
دلخوشام وصل نگاره گدیرم
حیف اولا سینه ده یاره گدیرم
آغلاما فاطمه قربان گوزیوه
.
.
بزم یاره هر او کس دعوت اولور
زینتی فاخر و پرقیمت اولور
محسنین قانی منه زینت اولور
آغلاما فاطمه قربان گوزیوه
.
.
دیسه جدّیم که بو رخساره ندور
یوزده کی سینه ده کی یاره ندور
نه دیوم من باباما چاره ندور
آغلاما فاطمه قربان گوزیوه
.
.
سنی شاهد توتورام بو سوزومه
لیل تار اولدی ایشیق گون گزیمه
دییرم سیلی ویربلار یوزمه
آغلاما فاطمه قربان گوزیوه
.
.
سنه قورموشدوم او گون بزم عزا
هله یاسلیدی هامی آل عبا
وردیلار اوت قاپیه اهل جفا
آغلاما فاطمه قربان گوزیوه
.
.
بیر یارام وار یاراسی گتمیه جاق
حشر اولونجا منی ترک اتمیجاق
قنفذین قمچی یری گتمیه جاق
آغلاما فاطمه قربان گوزیوه
.
.
ولی بو سینه مین آثاری بابا
کشف ایدیر ضربت مسماری بابا
بویادی قان در و دیواری بابا
آغلاما فاطمه قربان گوزیوه
.
.
حکم اولوب ظلمیده حدّدن چخالار
منی ضرب لگدیله یخالار
در و دیوار آراسیندا یخالار
آغلاما فاطمه قربان گوزیوه
.
.
هر بلا گلدی دوزوب غم یمدیم
حق رضاسی واریدی اینجیمدیم
دین یولیدی دایانوب لا دیمه دیم
آغلاما فاطمه قربان گوزیوه
.
.
قوی ئولوم قورتولوم ای شاه زمن
قالمیوم بو غم ایامیله من
سرّیمی غسل ورنده بولسن
آغلاما فاطمه قربان گوزیوه
.
.
ای #رجایی سوزون آغلاتدی منی
پور بینا گتوروب شوره سنی
گوردی تا آغلادی بو سر سخنی
آغلاما فاطمه قربان گوزووه
.
.
.
#فاطمیه_شهادت
#گل_عم_اوغلی_باشیمی_آل_دیزیوه
#رجایی_تبریزی
#ترکی
.
#زبدةالاشعار
.
: @nohe_torki
متن های پیشنهادی برای شما
نه شور قیامت بو نه ماتم نه عزادی #فاطمیه_صحاف_تبریزی
شهادت حضرت زهرا (س) . . . مرحوم صحاف تبریزی . نه شور قیامت بو نه ماتم نه عزادی سکّان سَماوات و زمین نوحه سُرادی . دریای مصیبت متلاطم دی دمادم مستغرق طوفان بلا آل عبادی . ریحانۀ پیغمبر ئولوب، عالم اسلام ماتم زدۀ دخترِبیشتر
خرابات بلا دولموش غریبه بوی قاسمدن #قاسمیه_شمس_شاب_تبریزی
استمداد حضرت قاسم بن الحسن (ع) .. .. .. شمس شاب تبریزی .. .. .. خرابات بلا دولموش غریبه بوی قاسمدن دوشوب پیر طریقت حیرته یاهوی قاسمدن .. .. .. مراد نامراد ایلوب مریدین ذکریدن محروم قیریب زنّارینی چلتار خونینون ایدوببیشتر
دیار کرب وبلانین نماسی گورملیدی #ورود_کربلا_آسال_اردبیلی
ورود به کربلا . زبدة الاشعار ?: @nohe_torki . نوید آسال اردبیلی . دیار کرب وبلانین نماسی گورملیدی ضریح شاه هدانون ضیاسی گورملیدی . منای عشقیدی عشاقه وعده گاه وفا او وعده گاه وفانون صفاسی گورملیدی . یاتوبدی اوردابیشتر
اصغری تا اکبرمردان عشق #اصغریه_عدلی_تبریزی
شهادت حضرت علی اصغرعلیه السلام . #زبدةالاشعار . : @nohe_torki . حاج اصغر فرشچی ( عدلی تبریزی) . اصغری تا اکبرمردان عشق گتدی الده تا گوره میدان عشق . سسلدی بو صود امردی ای سپاه یوخدی هیچ آئینیده طفله گناه . منبیشتر
ائدوبدور ترک چون دنیانی زهرا #فاطمیه_سعدی_زمان
زبانحال حضرت مولی الموالی (ع) بعد از شهادت حضرت زهرا (س) . . . مرحوم #سعدی_زمان و (( #مصیبی_تبریزی )) . . ــــ #سبک_بیا_یابن_الحسن_آرام_جانم … 4 سبک واگیر برای این سبک : سن ای طاها مارالی منی قویدون عزالی امانبیشتر
سیندی عمودیلن باشیم امداده گل قارداش حسین
استمداد حضرت ابوالفضل العباس علیه السلام . زبدة الاشعار . : @nohe_torki . کربلایی فخرالدین اسکندری« #جائد_زنجانی » . . سیندی عمودیلن باشیم امداده گل قارداش حسین القانه دوندی گوز یاشیم امداده گل قارداش حسین . . بیشتر
نظر دهید