گفتگوی دختر یزید با حضرت رقیه (س)
✔️سوال و جواب
.
✍️ زبدة الاشعار ✍️
.
?: @nohe_torki
.
مرحوم نادری
.
✔️ جواب حضرت رقیه (س)
.
.
نجه من فاش ائدوم چوخدان
بابام اولموش جدا مندن
یزیدون دختری بیلمم
نه ایستر ای خدا مندن
.
.
دیوم باخما پریشانم
بابامدور سرور بطحا
دیوم جدیم پیمبردور
همان یاسینیلن طاها
دیر علت ندور بوردا
قالوبسان بس بئله تنها
یزیدون دختری بیلمم
نه ایستر ای خدا مندن
.
.
دیوم معراج ائدوب جدّیم
گزوب رفرفله آفاقی
دیوم عرشه اوشاقلقدا
بابامون گئتدی قونداقی
دیر بستر ندن اولموش
سیزه ویرانه توپراقی
یزیدون بو قزی بیلمم
نه ایستر ای خدا مندن
.
.
دیوم اُول عُروَةُالوُثقی
گورر هر گوز که بینادور
حریم کعبه دن آرتوق
حریم آل طاهادور
دیر یوخ معجرون باشدا
سیزه هر گون تماشادور
یزیدون دختری بیلمم
نه ایستر ای خدا مندن
.
.
دئسم گر جدّ پاکیمدور
همان اُول حیدر صفدر
بیر آدی میر زمزمدور
بیر آدی ساقی کوثر
دیر سو اوسته دوغراندی
ندن سقای بی لشگر
یزیدون بو قزی بیلمم
نه ایستر ای خدا مندن
.
.
دیوم باخما اسیرم من
آنامدور زهرۀ زهرا
ئوزوم بیر ناز پرورده
کفیلیم زینب کبرا
دیر علت ندور اولدون
اسیر لشگر اعدا
یزیدون دختری بیلمم
نه ایستر ای خدا مندن
.
.
دیوم اهل وفا اولسا
آلار بوی وفا مندن
سخاوتمند اولان انسان
آلار درس سخا مندن
دیوم گوشواره می آلدی
نجه شمر دغا مندن
یزیدون دختری بیلمم
نه ایستر ای خدا مندن
.
.
دیوم چوخدا حساب ائتمه
منی قارداشسیز ای دختر
نجه قارداش گوزی شهلا
قدی رعنا علی اکبر
دیر بس قارداشون هاردا
قالوبسان بوردا بی معجر
یزیدون بو قزی بیلمم
نه ایستر ای خدا مندن
.
.
دیوم خردا قز اولسامدا
بویوک دنیاده آدیم وار
سنون اصلون جگر خواره
منیم عالی نژادیم وار
اولان دربان ویرانه
منیم زین العبادیم وار
یزیدون دختری بیلمم
نه ایستر ای خدا مندن
.
.
دیوم عزّ و شرف تاپمیش
همان مکّه منا بیزدن
دیوم یرلر دوام ائتمیش
آلار گوگلر ضیا بیزدن
دیوم بیر کعبۀ ثانی
اولوبدور کربلا بیزدن
یزیدون بو قزی بیلمم
نه ایستر ای خدا مندن
.
.
بو شرحی «نادری» قورتار
داخی اودلانماسون خامه
سرشک چشمیله دردون
یازوب گوندرگیلن شامه
همان اول خرداجا قبره
یازاللار چوخلاری نامه
یزیدون دختری بیلمم
نه ایستر ای خدا مندن
.
✔️سوال دختر یزید در هشتک زیر
#دی_گوروم_مدینه_لی_قز_ندن
.
.
#سبک_علی_اصغر_مه_انور … بیش از 8 سبک
.
.
#حضرت_رقیه_شهادت
#نجه_من_فاش_ائدوم_چوخدان
#نادری
#ترکی
.
✍️ #زبدةالاشعار ✍️
.
?: @nohe_torki
نظر دهید