استمداد حضرت قاسم (ع)
.
✍️ #زبدةالاشعار ✍️
.
🆔: @nohe_torki
.
#سبک_زینبم_جان_اوستیم … 4 سبک
.
کریم نصیری دولت آباد مرند
.
گل هرایه قاسمون اولسون سنه قربان عمو
پیکریم آتلار ایاقینده اولور شان شان عمو
.
.
ای گوزللردن گوزل عمروم چاتورپایانه گل
واربقیعدن بیرقوناقیم اشکی دونموش قانه گل
مجتبایه ویرماقا باش ساغلیقی میدانه گل
گورباشیم اوسته آتام گلموش نجه گریان عمو
.
.
دوشموشم گلزار عشقه بیرگل پرپرکیمی
دوره می اشرارآلوبدور تند اسن یللرکیمی
سون نفس گل آل منی آغوشوه اکبرکیمی
باشیمه سال سایه ای سلطان مظلومان عمو
.
.
پادگانونده اون اوچ سینّونده سربازم سنه
اورگه دیبسن درس ایثار وشهادت سن منه
جان ویروب باش اگمه دوم اما بوگون اهریمنه
من ایاقلاندیم دیریلسین قوی دیدیم قرآن عمو
.
.
جان یتوبدور سینمه ای دادخواهیم هارداسان
یاره لر الدن آلور آرامیم ای آرام جان
یوخ زره اگنیمده ویرمور نیزه لراوخلار امان
کاکلیم جلادالینده اوز گوزوم القان عمو
.
.
گَل منی حمل ایت خیامه سن عموم عباسیله
قوی ببیم زینب اوزومدن قانلی تپراقی سیله
باشیم اوسته اوخشویا بیکس آنام احساسیله
لیلیه همدم اولا اول غمکش دوران عمو
.
سسلیه ای پیکری القانیله الوان اوغول
گور نه احواله سالوبلار قامتین عدوان اوغول
گورمورم جسمونده یاره بسکه اورتوب قان اوغول
آیریلق دردینده یانسون ایله سون افغان عمو
.
.
من سنون اوز دامنونده پرورش تاپمیش گولم
سن امامیمسن مرادیمسن گرگ قدرین بولم
استورم بیریول ایاقیندن اوپم اوندان اولم
گل مریض عشقیوه لطف ایله ویردرمان عمو
.
عالمه گون تک عیاندور آل طاها غیرتی
تشنۀ جام ولایم ایتمرم سوصحبتی
شهدیدن شیریندی کامیمده شهادت شربتی
خضر ایدراحوالیمه غبته منیم الان عمو
.
.
سایۀ لطفونده دائم چاتموشام من ایمنه
دردیمی هیچ بیرکسه فاش ایتمرم الاّ سنه
اکبریندن آرتوق ایلردین محبت سن منه
عطرینی سندن بابامون آلمیشام هرآن عمو
.
.
سن اوشه سن آستانونده اولارشاهلار غلام
ریزه خوار خان احسانوندی حاتملر مدام
قیل منه خاطر کرم ای مقتدا وی ذوالکرام
بیرگیجه اولسون نصیری قبریوه مهمان عمو
.
.
.
.
#قاسمیه_شهادت
#گل_هرایه_قاسمون_اولسون_سنه_قربان_عمو
#ترکی
.
✍️ #زبدةالاشعار ✍️
.
🆔: @nohe_torki
نظر دهید