زبدةالاشعار

گل کربلادن یا حسین دللر دولی قاندی #زینبیه_بوذری_تبریزی

شام غریبان حضرت زینب سلام الله علیها
.
.
#سبک_ویرانه_ده_نازلو_بالام
.
حاج محمد بوذری تبریزی
.
گل کربلادن یا حسین دللر دولی قاندی
زینب ئولوبدی شامده شام غریباندی
.
.
جام دل زینب غم هجرانیله دولدی
بار غمیله عاقبت قدی کمان اولدی
باد خزان اسدی باجون بیر گل کیمی سولدی
یاسه باتوبدور ماسوا عالم پریشاندی
.
.
قویموشدی تیره تپراقا دلده نوا باشین
حسرت گوزی آخر نفس گوزلوردی قارداشین
گل ماتم زینبده توک رخساره گوز یاشین
یرگوی دییر وا زینبا محنت فراواندی
.
.
بی اقربا غربت دیارینده باجون قالدی
دلدن غم هجرون سنون تاب و توان الدی
آخر ایاقدان زینبی غم لشکری سالدی
اشگ تر زینب آخوب تپراقلار ایسلاندی
.
.
دوز گلمدی اصلا فلک اول بی پناهیله
کرب و بلایه باخدی چوخ حسرت نگاهیله
سسلردی هر دم یاحسین بیر سوز آهیله
قربان دیردی قارداشا بیر بو قوری جاندی
.
.
بلبل خزان وقتی نجه آیری دوشر گلدن
بیر عمریاندی آغلادی دوشدی اوزاق ایلدن
زهرایه بنز گوزلری آخدی دوشوب دلدن
زینب غمینده بو گجه زهرا نواخواندی
.
.
سولموش چمنده داد ایدوب بلبل سیاقینده
قالسین طنین غصه و غم گل قولاقینده
هیچ باجی بیله یانمیوب قارداش فراقینده
شمع فراقوندا باجون پروانه تک یاندی
.
.
غرق اولدی عالمده باجون دریای ماتمده
جان تاپشوران وقته سنی سسلردی هر دمده
هانسی باجی قارداش سیزه بنزربوعالمده
قارداشیله باجی ایکی قالبیده بیر جاندی
.
.
قانه باتان گون سن حسین دشت بلایاده
زینب یانان بیر خیمه ده گلمیشدی فریاده
سندن صورا اولدی اسیر اشرار بیداده
زینبده سن تک یا حسین اسلامه قرباندی
.
.
آغلارگوزیله « بوذری » سن سسله یازینب
هرحاجتون اولسا یقین ایلر روا زینب
واردلده سویله حسرت کرب و بلا زینب
چون وچراسیز زینبه هرمشگل آساندی
.
.
.
.
#زینبیه_شهادت
#گل_کربلادن_یا_حسین_دللر_دولی_قاندی
#بوذری_تبریزی
#ترکی
.
.

نظر دهید

جستجو در نام شاعر یا مناسبت

Search

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search

دسته بندی درختی

دسته بندی درختی

Generic filters
Exact matches only
Filter by Custom Post Type

More results...

Generic filters

Filter by Custom Post Type

نتایج بیشتر ...