زبانحال حضرت ام البنین (س)
.
✍️ زبدة الاشعار ✍️
.
🆔: @nohe_torki
.
مرحوم حاج عبداله رضایی (غمکش)
.
ای منی قویان روزگاریده
مین ملالیله باغری قان اوغول
فاطمه حضورینده روسفید
ایلدون منی قهرمان اوغول
.
.
.
روز و شب گرک سویلویم اوغول
خیردا قبروه من اولوم فدا
بیلمیرم سنه جرئت ائتدیلر
بس نه نوعیلن فرقۀ جفا
گؤرمدیم ولیکن اشیتمیشم
جسمیدن اولوب قوللارون جدا
مرحبا سنون شور و عشقوه
وئرمیسن عجب امتحان اوغول
.
.
.
گؤزدن آتمیسان جسم و جانوی
جان فدا ائدیبسن اماموه
غبطه ایلیللر شهیدلر
عزّت وجلال و مقاموه
راضی ایلدون شاه عشقوی
مرحبا ابوالفضل مراموه
گر چه جسموی ظلمیلن ائدوب
اوخلارا نشان کوفیان اوغول
.
.
.
تشنه قیزلارا سو گتیرمگه
اهل کینیلن ائتموسن جدال
سعیوی ائدوب ظلمیلن هدر
مشگون اوخلیوب فرقۀ ذلال
اولسا گر بئله ئولمگون، سودوم
زحمتیم سنه ایلدیم حلال
ایلرم سنه افتخار من
سسلرم مین عشقیله جان اوغول
.
.
.
یاندیرار بو دردون اوغول منی
ال بدنده حافظدی پیکره
مرکب اوسته سن تاب ائدنمدون
بیلمیرم ییخیلدون نئجه یئره
رزمگاهیدن اول قاچان قوشون
ال تاپوبلار السیز دلاوره
هر گلن ویروب هر گئدن ویروب
جسموه یارا پهلوان اوغول
.
.
.
کوفیان بی رحم بیر بیره
کسمگه باشون سبقت ائتدیلر
بیلدیلر قولون یوخدی جسمیده
حمله ائتمگه جرئت ائتدیلر
گؤردولر گؤزون قانیلن دولوب
گؤرمور هئچ یئری شدّت ائتدیلر
آغلارام سنون من او حالوه
اوخ قلیج یاغاردی امان اوغول
.
.
.
غمکشون گلوب بسکی نالیه
اشکینی غمونده ئوزه الر
قبر اطهرون آرزو ائدر
بوسه ائتمگه زار و خونجگر
درگهون نصیب ائت دخیل اولوب
دم به دم چکر آه او دیده تر
قویما قلبیده قالسون حسرتی
ناگراندی قیل شادمان اوغول
.
.
.
#سبک_ساخلا_ناقه_می_کاروانیدن (بیش از 8 سبک زنجیر و سینه زنی)
.
.
.
#حضرت_ام_البنین
#عباسیه_شهادت
#ای_منی_قویان_روزگاریده
#غمکش
#نوحه_های_محرم_غمکش
#ترکی
.
✍️ #زبدةالاشعار ✍️
.
🆔: @nohe_torki
نظر دهید