عاشق در مقام امتحان
..
..
..
مرحوم هادی تبریزی
..
..
..
گل کربلایه گور نجه طوفاندی یا علی
طوفاندی قاندی دین ایوی ویراندی یاعلی
..
..
..
گویلر دوشوبدی وحشته یرلر تلاطمه
گویده غبار غم یتیشوبدی تراکمه
یرده سوسوز یارالی حسین ابن فاطمه
سیراب نوک نیزۀ برّاندی یا علی
..
..
..
دید زمان سیاهی و ظلمتده تنگ اولوب
قلب زمان نشانۀ نوک خدنگ اولوب
بیر قان آخوب که دامن تاریخه ننگ اولوب
تاریخ کربلانی یازان قاندی یا علی
..
..
..
پای خیال و حسرت و غم پینه بسته دور
ای وای تار و پود حقیقت گسسته دور
آئینۀ جمال الهی شکسته دور
آئینه بند پنجۀ پیکاندی یا علی
..
..
..
چکموش تنوره دیو و هیولای پست و کین
یانموش یانار شرارۀ کینه بهشت دین
گوزدن توکوبدی گون یوزونه اشک آتشین
دنیا بویی جهنّم سوزاندی یا علی
..
..
..
دشت افقده چشم شفق بیمناک دور
دریای کینه پهنۀ دنیای خاک دور
جسم بزرگ مرد زمان چاک چاک دور
جسمی که روح هیکل قرآندی یا علی
..
..
..
اوخلار ویروبدی نقش عدم نقش خلقته
وحشت سالوبدی لرزه وجود طبیعته
پرده چکوبدی دست جنایت حقیقته
بیعت فقط جنایته عنواندی یا علی
..
..
..
مرد بزرگ و بی مثل چرخ روزگار
تاریخ افتخاره ویران نقش افتخار
نقش وجودین اوخلار ایدوب نقش پُرنگار
گویا بسیط سرخ گلستاندی یا علی
..
..
..
عاشق مقام عشقیده دور امتحان ویرور
موسایه راه طور تجلاّ نشان ویرور
جانانه جان ویرن اوزی لب تشنه جان ویرور
آب حیاته باخ که لب عطشاندی یا علی
..
..
..
بس هاردادور هایاندا قالوب دست انتقام
طغیان ایدوبدی ظلمده ظلام اهل شام
گوندوز گوزونده گوندوز اولوب تیره رنگ شام
گوندوز گیجه قاچاقدی هراساندی یا علی
..
..
..
منشور نوریدن کسیلوب انتشار نور
گونده دوشوبدی زمزمۀ آبشار نور
دست ستمله کور اولونوب چشمه سار نور
یر گوی دچار ظلمت کوراندی یاعلی
..
..
..
میعاد گاه عشقیده گودال قتلگاه
دریاده قوزانوب اودی طوفان نابگاه
مرداب عشقیده یارالی قویِ مرگ خواه
آشفته بال ضربت طوفاندی یا علی
..
..
..
پنهان اولوب داش آتّدا حقیقت پدیده سی
صد چاک اولوبدی ذات الهی چکیده سی
پیغمبر اوغلی فاطمه نین نور دیده سی
آللهه آند اولا که مسلماندی یا علی
..
..
..
کرب و بلا چولونده قیامت قیام ایدوب
بدعت حقیقتین گونونی تیره شام ایدوب
قتل حسینه لشکر شام ازدهام ایدوب
دنیا بویی بوتون دولی عصیاندی یا علی
..
..
..
زهرا قیزی متانت زهرایه هم قرین
جسم متانته اولونان مشت آهنین
همتّله کربلاده ایدوب کسب آفرین
زینب عفاف عفّته برهاندی یا علی
..
..
..
دوتموش تمام عالم امکانه اضطراب
ذرّات کایناته دوشوب شور التهاب
گورسندی جوّ لایتناهیده انقلاب
غمگین تمام ممکن و امکاندی یا علی
..
..
..
وحشی عربلر ایلوری فریاد و هلهله
سالموش غریو هلهله دنیایه ولوله
شوروغریو وهلهله دن قوپدی زلزله
یعنی حسین دینینه قرباندی یا علی
..
..
..
گویلرده قاخدی ظلمت و طوفان و گردباد
اولدی سوسوز یگانه جوانمرد و مرد راد
یرده داغلیدی پیکرۀ پاک عدل و داد
وحشت قوپوبدی غم یلی قوزاندی یا علی
..
..
..
«هادی» تفاخر ایله یتیشدون سعادته
سنده یتوبدی طبع روان اوج قدرته
ویردی علی اَلی سنه نیرو کتابته
شیرخداعلی سنه خواهاندی یا علی
..
..
..
#حسینیه #هادی_تبریزی #حسینیه_شهادت #ترکی #زبدةالاشعار
نظر دهید