کوچ از شام
سوال و جواب
سوال:
#بو_خرابه_ده_وطن_ایلمه_گوزون_آچ_اویان_باجی_دور_گئدک
جواب:
#باجی_بو_خرابه_ده_نی_کیمی_ایلمه_نوا_گئده_بیلمرم
.
✍️ #زبدةالاشعار ✍️
.
🆔: @nohe_torki
.
#سبک_بالام_آغلاما_گلوم_آغلاما … 8 سبک … دولانور علی قزی مقتلی … سن آت اوسته پای پیاده من …
.
مرحوم نخستین اردبیلی
.
.
.
باجی بو خرابه ده نی کیمی
ایلمه نوا گئده بیلمرم
باجی وای دیوب بئله آغلاما
گؤزوه فدا گئده بیلمرم
.
.
باجی عفو ایله گئده بیلمرم
شه کربلایه سلام آپار
دئمه آج قالوبدی خرابه ده
ایلمه گلایه سلام آپار
نیه باخمادی بو خرابه ده
من بینوایه سلام آپار
یوزی نیلی زلف سیاهی خاک
ایاقی یارا گئده بیلمرم
.
.
سؤله فتح إیدوبدی خرابه نی
او خرابه اوسته لوا ویروب
ئوره گیمده طعن و شماتتین
یرینه مدال طلا ویروب
دئمه گاه زجر ویروب اونی
دئمه گاه شمر دغا دئمه
یانا قلبی حالیمه آغلاسا
شه کربلا گئده بیلمرم
.
.
دئمه توپراق اوسته یاتوب قیزون
دئمه آهی عالمی داغلادی
دئمه شمر قمچی ویروب اونا
قولونی طنابیله باغلادی
دئمه صبحه جک بابا وای دیوب
ئوزی آغلادی بیبیم آغلادی
دئمه بو خرابه ده سالدیلار
باشیما قرا گئده بیلمرم
.
.
قولی باغلی شامه گلن قیزام
قولومون یاراسی ساغالمیوب
گؤزومی یولیندا قویوب بابام
منی بیر قوجاقینه آلمیوب
نیه ساربان کسن اللرین
او یتیمه بوینونا سالمیوب
بوخرابه توپراقی روحیمه
وئره جک صفا گئده بیلمرم
.
.
علی اکبریم نیه گلمه دی
بو خرابه منزله باخمادی
نه بو قان دولان گؤزه باخمادی
نه بو قان اولان دله باخمادی
نه گلوب طنابیمی آچمادی
نه میننده محمله باخمادی
منی گؤزدن آتدی خرابه ده
إیله باوفا گئده بیلمرم
.
.
نیه بس گلوب دئمه دی باجی
نیه بوخرابه ده باتموسان
نیه توپراق اوسته قویوب یوزون
نیه آه و ناله اوجالتموسان
نیه بو یاتانلاری آغلیوب
گئجه صبح اولونجا اویاتموسان
باشیم اوسته آچما باشون باجی
بئله آغلاما گئده بیلمرم
.
.
اگر عمری اولسا «نخستینون»
إیلیوب نوا یازا دفتری
او قدر حسین دیوب آغلی
قلمیله قان یازا دفتری
إیله خوش نویسدی گرک گلوب
او «ذبیحیان» یازا دفتری
هله باغلیدور اونیلان منه
ره کربلا گئده بیلمرم
.
.
.
.
.
.
#کوچ_شام #نخستین
#باجی_بو_خرابه_ده_نی_کیمی_ایلمه_نوا_گئده_بیلمرم
#ترکی
.
✍️ #زبدةالاشعار ✍️
.
🆔: @nohe_torki
نظر دهید