حالات حضرت رقیه (س)
.
✍️ #زبدةالاشعار ✍️
.
🆔: @nohe_torki
.
#سبک_علی_جان_بالا_لبیک
مشابه
.
مرحوم احمد پورعطا (خادم تبریزی)
.
گنه گوز یاشی شیعه عذاره الر آغلار
آلوب قبر رقیّه قرارین ملر آغلار
.
.
بو ایل نچّه ایل اولدی قالوب دلده بو حسرت
او مظلومه یتیمی ایدن یوخدی زیارت
دعاسی اسرانین بو ایل تاپسا اجابت
نصیب اولسا بو جمعه زیارت ایدر آغلار
.
.
ازلدن بو یتیمون قضاسی بیله گلدی
او گوندن که یزیدون مرامی اله گلدی
خانم کرب و بلادن همین منزله گلدی
بو منزلده او یولدا چکوب گور نلر آغلار
.
.
قبار اولدی ایاقی یتونجه او خرابه
یانوب جور جفادن دونوب باغری کبابه
نه انصافیدی بیرده چکه زجر طنابه
او اوچ سنّده بیر قیز بو ظلمه دوزر آغلار
.
.
نه بیر گولدی ئولونجه نه بیر قاچدی دوداقی
گجه گوندوز او قدری عذاب ویردی ایاقی
ساراتدی ایله آجلیق او گل یوزلی اوشاقی
باخان رنگینه دلدن او حالین بیلر آغلار
.
.
آناسیندان آپاردی او قیز ارث شهامت
نه مدّت که خرابه اولوب کنج اقامت
بولن اولمادی آجدی نه ایلردی شکایت
دیمه ذلّته زهرا قیزی تن ویرر آغلار
.
.
او قیز جامه ی تازه گیینمزدی دؤزردی
سوزون شمر گلنده دیینمزدی دؤزردی
غذای لذیذ اصلا یینمزدی دؤزردی
یانوب حالینه هر دم قضا و قدر آغلار
.
.
شراره گجه گوندوز هامی کونه یاخاردی
خرابه قاپوسوندان او مأیوس باخاردی
جگر قانینی یوزدن سیلردی هی آخاردی
ایدر خرداجا قزلار او حاله نظر آغلار
.
.
اولوب گلشن عمری خزان اول گل یاسون
سولوب غنچه زمانی همان اول گل یاسون
یزید قاتلی اولدی همان اول گل یاسون
مکان ویردی خرابه که شام و سحر آغلار
.
.
بو گوز یاشیوه (خادم) گرک ویرماق ادامه
گیدر قبرینه زوّار یاخین وقته سلامه
عریضه یازور عالم او شهزاده مقامه
سنونده بو گیدنلر مرامون دییر آغلار
.
.
#حضرت_رقیه_خادم_تبریزی
#حضرت_رقیه_شهادت
#گنه_گوز_یاشی_شیعه_عذاره_الر_آغلار
#ترکی
.
✍️ #زبدةالاشعار ✍️
.
🆔: @nohe_torki
نظر دهید