شهادت علی اکبر (ع)
.
#زبدةالاشعار
.
: @nohe_torki
.
مرحوم دخیل
.
گنه گوگلوم قوشی فریاده دوشدی
علی اکبر آناسی یاده دوشدی
.
گوتورمشدی اوغول ئولمک هواسی
قولین بوینونا سالمیشدی آتاسی
.
چکردی اللرین گه کاکلینه
ویروردی گه الین اکبر الینه
.
دیردی باخ آخور قان یاش گوزومدن
گل اگلش بیرزمان چخما سوزومدن
.
اودم که بیر قدم اکبر گیدردی
دیه بیلم سکینه غش ایدردی
.
سارالاردی نفس بیردن باتاردی
یخلاندا علی اکبر دوتاردی
.
گلنده جوشه خونابه گوزونده
گورردی باشینی اکبر دیزینده
.
محبت سوزی از بس جوش ایدردی
باخاندا هوشدن بیردن گیدردی
.
گوتورمم سندن ال ای یار مادر
منه سنسن علی بوچولده یاور
.
منیم گوگلومده بی حد محنتون وار
جوانسان بیلم آخر حسرتون وار
.
بو زلف و کاکلون چوخدور بلاسی
وورالار باشیوه خنجر یاراسی
.
غم ایتمه ای عزیز مصر و اعزاز
آماندور من غریبه کم ایتگیلن ناز
.
بو حسن و بو وجاهتله که سن سن
جدا باشندا هرشهره گیدر سن
.
نه قدر ایسترسن اوندا ایتگلن ناز
ایدللر اهل کوفه یاخشى پیشواز
.
.
#گریز به راه شام
.
شامون یولاریندا شهدالرون باشینی نیزه لره ووروب شامه داخل ایلدیلر بیرنچه عورت دف و دایره چالوردیلار جناب حضرت علی اکبرون باشینی گورنده دیدیلر گوره سن بونون آناسی وار؟
گوردیلر خانم لیلا دیدی:
.
او قاره طرّه نی گوگلوم تک ایتمیون برهم
بووقته تک اونا ال وورمویوبدی نامحرم
.
او زلفه وورما الون رشته رشته جانیم دور
دیر گوگل قوشینه دگمه آشیانیمدور
.
گوگلّرون هاموسی باغلیدی بو بیر تاره
داغتما رحم ایله قویما بوجسمی آواره
.
او باشه وورما الین قان دوتوب ایکی گوزونی
سکینه باجیسی گورسه هلاک ایدر اوزینی
.
او دمده پادشاه ملک و ملت
حسین بن علی شاه ولایت
.
کفن بوینوندا گلدی خیمه گاهه
جوانلاری چاقوردی قتلگاهه
.
حضوره گلدیلر یکسر جوانلار
جوانلار یانیجه قدّی کمانلار
.
باخوب هرسمته گوردی شاه محشر
جوانلارین ایچنده یوخدی اکبر
.
دونوب یوز قویدی اکبر چادرینه
خطاب ایتدی او ماه بی قرینه
.
شبیه روی پیغمبر اوغول گل
من بی یاوره یاور اوغول گل
.
گل ای آئینه روی پیمبر
آتان یالقز قالوبدی یوخدی یاور
.
دولوبدور ظلمت کفریله میدان
گل ایت نور جمالونله چراغان
.
ایشقدا چونکه ظلماته یول اولماز
شهادت آب حیوانی تاپولماز
.
عجب خیمه آرا دوتمش قرارون
چکر اصحاب جدّون انتظارون
.
گل ای نورس جوان و یار احباب
دوروبدور منتظر هر آنی اصحاب
.
گل ای آئینه دار نور باهر
یولون گوزلر حبیب بن مظاهر
.
گل ای یوسف جمال و ماه روشن
اوزون گزلتمه بویعقوبلردن
.
سن اولماسون ظهور صولت اولماز
قوجالارون قولندا قوت اولماز
.
قباقه دوشمسن ای نور احمد
دالونجا گلمز اصحاب محمد
.
گوگللر باغلادور بیرجه نگاهه
چکن سن سن بوقومی قتلگاهه
.
اگر سن گلمه سن ای زبدۀ ناس
علم چکمزقباقجا عون وعباس
.
اگر سن اولماسان آرتار هراسیم
نه جرأتله گیدر میدانه قاسم
.
اگر سن اولماسان ای ماه انور
قبول ایتمز خدنگی حلق اصغر
.
گوروب اکبر حسینون اضطرابین
زبانحالیله ویردی جوابین
.
منی بیر بینوا چکمش کناره
باجیم قویماز گلم گل ایله چاره
.
گوتورمز نیلیوم بی کس باجیم ال
منی قویماز گلم بابا اوزون گل
.
دوتوب آیریلماقا قویماز یانیندان
سکینه جانیم گ چمز جانیندان
.
حضرت امام حسین ایچری داخل اولوب سکینیه دیدی:
.
آپارما اکبریمی گل خدای اکبره باخ
یوزینده نور خدا طلعت پیمبره باخ
.
رسوله بنذوری وار یوزده نطقده حسنه
شجاعت اسدالله سهم حیدره باخ
.
قلجلانور باشی قانی دولار بو گوزلرینه
رسول گوزلرینه بنذین بو گوزلره باخ
.
نجه روادور اولا شمر نیزه سینه قطاس
قطاس تک توکلن چگننه بوتللره باخ
.
آیرما سن بو جوانی یانقلی سینمدن
بو خشک اولان بدنیمه بو دیدۂ تره باخ
.
من غریبه ترحم ایله آیرما اونی
بو آغلیان گوزیمه تترین بو اللره باخ
.
سنه اوغول باباجان سکینیه قارداش
تکوبله گوز یولا بو اهلبیت اطهره باخ
.
مذمت ایتمه منی چکمرم علیدن ال
عمر بلینده قلج شمر الینده خنجره باخ
.
.
#اکبریه_دخیل
#اکبریه_شهادت
#گنه_گوگلوم_قوشی_فریاده_دوشدی
#ترکی
.
#زبدةالاشعار
.
: @nohe_torki
نظر دهید