فرات
.
✍️ #زبدةالاشعار ✍️
.
🆔: @nohe_torki
.
#سبک_ای_باد_صبا … 7 سبک
.
حاج حسین حسنی تبریزی
.
سوز عطشه یاندیم عمو قیل منه چاره
بیر شربه سو تحصیل ایله باری من زاره
.
.
باغلوبدی فراتین یولونی فرقه عدوان
آخر سو تاپولمور قالوب اطفال هامی عطشان
بو قوللاروا نازلی سکینون اولا قربان
یاندیدم ندی چاره ایله بو درده دوچاره
.
ای ماه بنی هاشم ایا کان شجاعت
یاندی سوسوزوندان بالالار ایله کرامت
یاندیردی بیزی خیمه ده بیر تازه مصیبت
دوشدی بو یانان قلبیمه بیر تازه شراره
.
.
سو تاپماقا امّیدیله از بس که دولاندوم
بیر جرعه اله گلمدی دلدن یارالاندوم
عمّمده دیدیم سو اولی البته ایناندوم
قاچدیم یتیشم وصله تاپام دردیمه چاره
.
.
توش ایتدی منی بیرغمه بو چرخ ستمگر
یاددان عطشیم چخدی دلیم اولدی مکدر
گوردوم بی بیمون اللری اوسته علی اصغر
گوزلر آخنوب اشگیم آخوب سولموش عذاره
.
.
عممدن علاج اولمادى اول بابته گلدیم
دوشدی نظریم تا بو اوجا قامته گلدیم
ای باب الحوائج قاپوا حاجته گلدیم
منظوردی حاجتده سو بو زار فکاره
.
.
اصغر یانوری سوز عطشدن سنه قربان
تحصیل ایله سو اصغریمه قالماسون عطشان
بیرده بالا قیزلار نقدر وار منه مهمان
جام الده منی دوره لیوب مثل ستاره
.
گتدیم بو قوری مشگی سنه ایندی عموجان
تحصیل ایده سن سو من دل خستیه الان
قربان او اوزون قوللارا ایله بیزه احسان
دوندی گونوزوم گوزده عمو بیر شب تاره
.
.
ای کان کرامت آدی عباس هنرور
یاتدی بی بی مون اللری اوسته علی اصغر
تحصیل ایله بیر شربه سو ای زادۀ حیدر
سالدی بو سوسوزلوق بیزی چوخ تنگ و فشاره
.
آغلار گوزیله بو سوزه گلدیم من نالان
اصغر سوزینی محضریوه ایلیم اعلان
گر بوقوری مشگی آلاسان مندن عمو جان
قیزلار آرا منده یترم شأن و وقاره
.
.
دشمن ستمی دشت بلاده علن اولدی
نه دردیمی بیر کیمسنه آخر بولن اولدی
بولدون گوزومون بارشی جاری ندن اولدی
بنذر گوزومون بارشی چون ابر بهاره
.
.
لطف ایلیه بو جمعه علمداری حسینون
بیر گون «حسنی» تا اولا زواری حسینون
صدقیله گرک اولسون عزاداری حسینون
قویسون بو گنهکار اوزون اول پاک مزاره
.
.
#شب_عاشورا
#سوز_عطشه_یاندیم_عمو_قیل_منه_چاره
#ترکی
.
✍️ #زبدةالاشعار ✍️
.
🆔: @nohe_torki
نظر دهید