زبدةالاشعار

گهواره وین باشنا قارداش علی دولانّام #اصغریه_شهاب_تبریزی

زبانحال سکینه خاتون به حضرت علی اصغر( ع )
.

✍️ #زبدةالاشعار ✍️
.
🆔: @nohe_torki
.
مرحوم شهاب تبریزی
.
گهواره وین باشنا
قارداش علی دولانّام
سن تشنه سن یانورسان
منده بو حاله یانّام
.
.
گزدوخ خیامی یکسر
سو اولمادی میسّر
سن تک هامی بالالار
گوردوخ یانور سراسر
.
.
بولّم علی یانورسان
اود دوتوب اودلانورسان
سو ایستمه اماندی
لب تشنه اوخلانورسان
.
.
شیون دوتوب خیامی
آغلار حرم تمامی
یوخدور سودی آز آغلا
ایتمه کباب آنامی
.
.
قارداش آز آغلا بیر یات
دلدن سو فکرینی آت
نه بیر ایچیم سو ایسته
نه لاله تک قانا بات
.
.
یوخدور سویا گمانیم
ای طاقت و توانیم
چوخ ایتمه ناله قارداش
من باشوه دولانیم
.
.
ای نو گل امامت
قالمادی منده طاقت
قربان بو گوزلریوه
یات بیر دقیقه راحت
.
.
گوگلومده نسگلون وار
نه قوم و نه ایلون وار
نه العطش دیماقه
قارداش علی دیلون وار
.
.
گلزار دین سولوبدور
گوللر خزان اولوبدور
یوخ بیر کسه گمانیم
سقّا عمون ئولوبدور
.
.
بو غمده گل فغانه
گوز یاشون ایت روانه
آغلا «شهاب» هر آن
بو طفل بی زبانه
.
#اصغریه_شهادت
#اوخشاما
#گهواره_وین_باشنا_قارداش_علی_دولانام
#ترکی
.
✍️ #زبدةالاشعار ✍️
.
🆔: @nohe_torki

متن پیشنهادی:  امر خالق لایزالیله حجّة الوداعینده مصطفا #حیدریه

نظر دهید

جستجو در نام شاعر یا مناسبت

Search
Generic filters
Exact matches only
Filter by Custom Post Type

کلمات کلیدی: فهرستاشعار14معصومموضوععاشورائیانماهشاعراصفهانیتبریزیاردبیلیزنجانی

جستجو در مصرع اول

Search
Generic filters

Filter by Custom Post Type

دسته بندی درختی

دسته بندی درختی