گوردی اصغر باشینی نیزده ده بیچاره رباب #اصغریه_فریدی

زبانحال حضرت رباب (س) به حضرت علی اصغر (ع) بر سر نیزه
..
..
..
..
حاج علی اصغر فریدی
..
..
..
..
گوردی اصغر باشینی نیزده ده بیچاره رباب
گلدی فریاده توکوب اشگینی رخساره رباب
..
..
..
..
دیدی ای غنچه گلوم قلبیمین آرامی اوغول
سنه باخدوقجا توکور گوز یاشینی آل رسول
باخوری حالیمه عمّه ن اولوری زار و ملول
سویلوری صبر ایله گلمه بیله گفتاره رباب
..
..
..
..
گلشن عمرومه سن بیر گلودون یا ولدی
غنچه وقتی سنی کیم ظلمیله قانه بَلَدی
دستۀ زاغ و زغن گلشنیمه خار اَلَدی
بیرده باخماز على سندن صورا گلزاره رباب
..
..
..
..
آغلارام من سنه آغلار منه بو عمّه لرین
قالوب حیران هامى ظلمونده بو قوم شررین
هانسی مذهبده کسوبلر باشینی سود امرین
نجه بو ظلمه دایانسون بو گونی قاره رباب
..
..
..
..
ایسترم هر چه ویرم صبر تسلّی اوزومه
ساتاشور قانلو باشین نیزده ده آغلار گوزومه
بیر نفر رحم ایلین یوخدی یانقلی سوزومه
دلدن آهین اوجادور گنبد دوّاره رباب
..
..
..
..
قاتلون باشوی ویرسه منِ نالانه اگر
سیلرم یوز گوزوین قانینی ای نور بصر
باسارام جان کیمی آغوشیمه با دیدۀ تر
آز یانا بلکه علی آه شرر باره رباب
..
..
..
..
من گرک آغلیوب هر لحظه دیم وای بالا وای
گورمدیم سهلدی دل آچماقون ایوای بالا وای
بیر دویونجا دیمه دیم من سنه لای لای بالا وای
توکوری اشگین اودور بیر بیله رخساره رباب
..
..
..
..
قوری پستانیم على شیریله هر دم دولوری
ابر باران کیمی اشکیم یوزه جاری اولوری
باخوری نازلی رقیّه منه گول تک سولوری
گلوری درده باخاندا اول دل افکاره رباب
..
..
..
..
بوغازین تیر سه شعبیله على پاره لنوب
مه جمالون گورورم نیزده ده قانه بلنوب
من کیمی هانسی آنانون باشینه کول النوب
قالدى سندن صورا گور بیر نجه آواره رباب
..
..
..
..
اورگیم بسکی یانور عارضه گوز یاشیم آخور
یاندرور آهیم اودى عالم امکانی یاخور
گلوری نالیه بو حالیمه هر کیمسه باخور
آغلوری سویلوری ایکاش ئوله بیچاره رباب
..
..
..
..
من دیردیم على سن بیر گون اولار دیل آچاسان
ناز پرور بالالار تک قاباقیمجا قاچاسان
بولمدیم نسگل اوخون قلبیمه بیله ساچاسان
اولار همدم على جان دیدۀ خونباره رباب
..
..
..
..
اصغره آغلا فریدی غمی اکبر غمیدی
ابر سرنح گورسن گویده او اصغر دمیدی
جسمی قبر ایچره حسین سینه سینون مرحمیدی
او مزار اوسته اودور قویمادی گهواره رباب
..
..
..
..
#اصغریه #فریدی #کوفه_فریدی #راه_شام_فریدی #کوفه #راه_شام #ترکی #زبدةالاشعار