هامی اهل قلم اولدی …
…
سیفی اردبیلی
…
پیراهنِ عثمان او زمان که عَلَم اولدی
گیزلندی خطا کار علی متّهَم اولدی
ایش دؤندی خَزَف سالدی اله رونق بازار
خالص قیزیلون قیمت ومعیاری کَم اولدی
بلبل قوجالوب گوشه نشین اولدی قَفَسدَه
هَرشَوم اوخیان قوش واریدی خوشقدم اولدی
ابلیس دایاندی صَفِ اَوّلده نمازه
شیادخطاپیشه دَه صاحب کَرَم اولدی
عِلم ئوز یاخاسین مَعرَکه دَن چکدی کناره
دروازه آچلدی، هامی اهلِ قَلَم اولدی
باخ مُعجزیَه، مُغ بِئچِۀ حُوزَه ندیده
مَنبَرده جلوس ایلَمَه میش مُحتَشَم اولدی
ناپخته لره معرکه میدانی سولاندی
پیران خرَد ملّته نا محترم اولدی
#پندیات #شاعر #مداح
#پیراهن_عثمان_او_زمان_که_علم_اولدی
#سیفی_اردبیلی
#ترکی
نظر دهید