ورود به شام
.
✍️ #زبدةالاشعار ✍️
.
🆔: @nohe_torki
.
حسین ساکت خسروشاهی
.
.
گوردی شامیان شهر شامده
بیر فلک ستاره گلور گیچور
یر پوزونده منظومۀ سما
پردۀ نظاره گلور گیچور
.
.
طرفه بیر حدیث غریب دور
گون چیخوبدی سیره عجیب دور
گون گله یره عنقریب دور
غم اسیری زاره گلور گیچور
.
.
غم توزی دوتوبدور هوا یوزون
کسده یوخدی جرأت دیه سوزون
خلق بیر بیره اوینادور گوزون
ایلوری اشاره گلور گیچور
.
.
شمر ظالمین بخت یاری وار
اقتدارینن اشتهاری وار
بیر سوری غزاله شکاری وار
باش چکه شکاره گلور گیچور
.
.
خلق ایچینده ناگه چکلدی جار
دورمیون یول اوسته گیدون کنار
کعبه قوشلاری دسته دسته زار
شامده حصاره گلور گیچور
.
.
اول جوانکه قول باغلی زاریدور
دودۀ على یادگاریدور
تیره مرگینون انتظاریدور
خسته پای داره گلور گیچور
.
.
زینبون یانوب آشیانه سی
گوزیاشی اولوب آب و دانه سی
شام امیرینون خصم خانه سی
پای شهریاره گلور گیچور
.
.
بیر قزی دله گتدی ساربان
وای اولا دیدی بی حیا اوتان
گورموسن مگر غصه دن عیان
گوز یاشیم عذاره گلور گیچور
.
.
بیله بولمه خوارم خطالیم
رشک آهوان ختالیم
بیر سوری مارالین مارالیم
سانما بختی قاره گلور گیچور
.
.
من عزیز آل رسالتم
ذی شرافتم ذی جلالتم
حیف اسیر اهل شرارتم
باشیمه شراره گلور گیچور
.
.
یوم گوزون منه ایلمه نظر
آهمون اودوندان ائله حذر
دورماسین دئ یول اوسته رهگذر
غصه لی هزاره گلور گیچور
.
.
گیت کناره چک بو جماعتی
سالما زحمته آل عصمتی
حفظ ایدن شئون شریعتی
چولقانوب غباره گلور گیچور
.
.
نه مگر ایدوب آل مصطفا
بولموسیز بئله محنته سزا
دینه ساخلیوب اهل دین عزا
باشلاریندا قاره گلور گیچور
.
.
ای قلم دایان ایتمه بیله قان
«ساکتین» دلین ایتدی غم تالان
شام محنتی اوخدی بی امان
قلب داغداره گلورگیچور
.
.
#ورود_شام #حسین_ساکت
#گوردی_شامیان_شهر_شامده_بیر_فلک_ستاره_گلور_گیچور
#ترکی
.
✍️ #زبدةالاشعار ✍️
.
🆔: @nohe_torki
نظر دهید