گوردی نور خلّاقی لامِع ائتدی گودالی #حسینیه_محمد_وهابزاده

احوالات ومناظر قتلگاه اباعبدالله علیه السلام
.
.
محمد وهابزاده(عیّار اردبیلی)
.
.
گوردی نور خلّاقی لامِع ائتدی گودالی
مستی فزون تاپدی شمس حقون آمالی
.
.
پیکر وکیل حق یاره لی لب عطشاندی
دیلده ذکر یا منّان چهره سی درخشاندی
لَمعه لَمعه نوریندن مقتلی فروزاندی
کیمسه گورمیور اما وار نه جاه و اجلالی
.
.
حضرت حسین تنها لشکر فرومایه
حمله ور اولور بیردن نئچه دسته دون پایه
سعدون اوغلی ناداندی داش آتور دگه آیه
آیه ؛آیة الکبری ٬یوخ تَغیُّر احوالی
.
.
صحنه صحنهٔ حساس یوخْ اِلی الَابد تکرار
روبرو دوروب حقّه بد سِگال وبد کردار
وجه اَشبهُ السُبحان تاپدی یرده استقرار
خلوتین پوزوب ناگه بیر رذیلِ دجّالی
.
.
قؤزادی باشین مولا سجده سی تمام اولدی
هل مُعین وهَل ناصر لفظی اتّهام اولدی
الده داش عدو گلدی تا که پیشگام اولدی
سیندی آلنی قان یازدی خوشدی بخت و اقبالی
.
.
دامنین دوتوب سیلسون قان صفالی سیمادن
ناگهان گلوب دگدی نیزه قلب مولادن
قُفل مَخزنُ الاَسرار سیندی بطن معنادن
محور زمان تاپدی گردشینده اخلالی
.
.
هرنه یاره دگدوکجه صورتی فرحلندی
خون قلب و پیشانی قوسیلن قزحلندی
مستِ وصل اولان سایماز نئچه مِی قدحلندی
وار بنای مستحکم یوخ بدیل وامثالی
.
.
ثار حق نثار اولدی مُلحق اولدی جانانه
نصّ قل هواللهی غرق ائدوبلر القانه
چکمه لی چیخوب کافر متن پاک قرآنه
یازدی قتل فرمانین آلدی حقّ دلالی
.
.
کائناتیده ناگه هرج ومرج گورسندی
شمس ثانی گویلرده قانیلن ترکلندی
یرده تحت الاسراده داش داش اوسته ترپندی
حَقّه آند اولا یوخدور شرح وبست نقالی
.
.
#حسینیه_شهادت
#قتلگاه
#گوردی_نور_خلاقی_لامع_ائتدی_گودالی
#محمد_وهابزاده
#ترکی
.