وداع حضرت علی اکبر(ع)
..
..
#سبک_ای_درد_بی_درمانلارا … 10 سبک … با اضافه کردن واگیر … #سبک_یا_فاطمه_من_عقده_دل_وا_نکردم … #سبک_مستان_همه_افتاده_و_ساقی_نمانده … #سبک_ای_کربلانون_تشنه_لب_قربانی_قاسم
..
..
مرحوم صحاف تبریزی
..
..
ای چرخ حسنه بیر مه تابان اوغول گئت
ویردیم سنی دینه سوسوز قربان اوغول گئت
عطشان اوغول گیت
..
..
هجرونده خوشدور تار اولا دنیا گوزومده
وار بیر یانار اود شعله سی هر بیر سوزومده
مطلق تاپولماز بیر آنا لیلا دوزومده
دیدمده خوشدور اولسا اشگیم قان اوغول گئت
..
..
رُخصت ویروب جان ویرماقا شاه شهیدان
منده رضایم گئت على وئر تشنه لب جان
باخما اولوب زلفون کیمی حالیم پریشان
مشگلدی گرچه محنت هجران اوغول گئت
..
..
هر چند آخار حسرتله گوز یاشیم عذاره
وار علّتی گللم بو نوعی آه و زاره
قویمازدیم عالمده سنی گوزدن کناره
اما یوخومدور چاره ای عطشان اوغول گئت
..
..
اون سگّیر ایل چکدیم على هر زحمتون من
جان و دلیله ایلدیم هر خدمتون من
قویدوم یانان دلده على طوی حسرتون من
بو حسرته قان آغلارام هر آن اوغول گئت
..
..
گئت راضیم بو پیکرون قانه بویانسون
دلدن اوغول وای نالم افلاکه دایانسون
بیکس آنان گول جسموه باخدوقجا یانسون
اولسون گجه گوندوز گوزوم گریان اوغول گئت
..
..
جان ویرماقا آماده سن ای جان جانان
جانیم گئدن یولّاریوا بو یولدا قربان
سالّام سنی منده یولا بو چولده عطشان
قالسون هامی بو عشقیمه حیران اوغول گت
..
..
هر خواهشیم وار سندن ای روح و روانیم
ساخلا قدم بیر لحظه ای رعنا جوانیم
قوی بیر دولانیم باشوا آرام جانیم
اولسون سنه لیلا بلاگردان اوغول گئت
..
..
قلبیم یانور من آغلورام سن پوزما حالون
توکمه بو گول رخساریوه اشگ زلالون
ایتدیم آنالیق حقّینی دلدن جلالون
اولسون گوروم هر مشگلون آسان اوغول گیت
..
..
قیل گوشۀ چشمونله «صحّافه» عنایت
بیر عمردور درد و غمون ائیلر کتابت
محشر گونونده ایلیاق بیزده شفاعت
واردور الینده بو گوزل عنوان اوغول گئت
..
..
#اکبریه #صحاف_تبریزی #اکبریه_شهادت #ترکی #زبدةالاشعار
نظر دهید