گورسندی غم هلالی ماه محرّم اولدی #ورود_محرم_خوندل_تبریزی

ورود ماه محرم
.
.
✍️ #زبدةالاشعار ✍️
.
🆔: @nohe_torki
.
#سبک_احوالیمیز_یاماندی … 10 سبک
.
مرحوم خوندل
.
گورسندی غم هلالی ماه محرّم اولدی
ای شیعه گل فغانه ایّام ماتم اولدی
.
.
شیعه گرک بو آیدا گلسون فغانه هر دم
قیلسون انین و ناله اولسون غمیله همدم
توکسون سرشک محنت دوتسون حسینه ماتم
چون اول شهین جلالی بو آیدا برهم اولدی
.
.
عالم اولوب سراسر بیت الحزن بو آیدا
آفاقی دولدوروبدور درد و محن بو آیدا
قانیاش توکر عذاره هر مرد و زن بو آیدا
باشلاندی وقت محنت چون موقع غم اولدی
.
.
اولدی مه مصیبت دولدوردی غم جهانی
گل داده آغلا شیعه گلدی عزا زمانی
بو آیدا درد و محنت آغلاتدی ماسِوانی
گویا تمام گوزلر بو آیدا پرنم اولدی
.
.
پیغمبرین عزیزی شیعه همین بو آیدا
کرب و بلا چولینده قالدی غریب و تنها
پرگار تک ستمله اطرافین آلدی اعدا
فکر ائت او دشت غمده گور بیر نه عالم اولدی
.
.
بو آی جسارت ائتدی ظلمونده قوم اعدا
بو آی سولوب سوسوزدان گل تک عیال طاها
بو آی بویاندی قانه آرام قلب لیلا
بو آی علی عیالی محنتله همدم اولدی
.
.
بو آی پوزولدی یکسر نظم و نظام عالم
فریاد واحسینا قالخار سمایه هر دم
بو آی فغان و داده زهرا اولوب مصمّم
ماتم نشین بو آیدا زهرا و مریم اولدی
.
.
عرش خدایه چخدی بو آیدا شمر کافر
تاراج اولوندی بو آی جاه و جلال و زیور
یاندوردی خیمه گاهی اول فرقۀ ستمگر
زهرا عزیزی بو آی هر درده مرحم اولدی
.
.
بو آی مکمّل ایتدی ظلمین سپاه اشرار
بو آی بویاندی قانه انصار شاه ابرار
مشک اوسته ویردی جانین هم اللرین علمدار
یاتدی علم ، علم تک اوز قامتی خم اولدی
.
.
بو آیدا خیمه لرده بیر قطره قالمیوب سو
بو آی سولوب سارالدی گل تک بنات مه رو
بو آی حسینه تاپدی ال فرقۀ جفا جو
مغلوب قوم کافر سلطان اعظم اولدی
.
.
«خوندل» اورکده دردون وار آغلا ایسته درمان
باخما بو غم ایدوبدور افکاریوی پریشان
بو دودمانه وور چنگ صدقیله ایله افغان
هر کیمسه چنگ ووردی دلشاد و خرّم اولدی
.
.
#گورسندی_غم_هلالی_ماه_محرم_اولدی
#ترکی
.
✍️ #زبدةالاشعار ✍️
.
🆔: @nohe_torki