گورنده حق گوزی پژمرده حال زهرانی #فاطمیه_عابد_تبریزی

در مصیبت حضرت زهرا (س)
.
#زبدةالاشعار
.
: @nohe_torki
.
مرحوم #عابد_تبریزی
.
گورنده حق گوزی پژمرده حال زهرانی
عذاره اولدی روان سیل اشگ مرجانی
.
دل آچدی هر دله سرمایه بخش نطق و بیان
کلامی مایه تکلیم پور عمرانی
.
مخاطب ایلدی ترکیب صدق مصداقین
دانیشدیروب گل شاداب باغ طاهانی
.
سن ای سرادق عصمتده شاهد قدسی
که روشن ایلمیسن بزمگاه عرفانی
.
نه گوردون ای گوزی حق جلوه سیله روشن اولان
که گرم خواب ایلدون چشم مست شهلانی
.
نه گوردی گوزلرون ای گوزلرون فداسی جهان
که ایستمز داخی بیرده گوره بو دنیانی
.
نیه دانشمیسان؟ ای نطقی روح جاویدان
نه غم خموش ایدوب اول لعل گوهر افشانی؟
.
گل، آفتابله بارانله شکفته اولار
توکر گوزوم اودی رخساره اشگ، بارانی
.
ولی آچیلمیری بو گل کیمی سولان رخسار
گوروب ز بس ستم برگ ریز دورانی
.
نولور خرام ایده سن بیرده، سرو قامتوه
نثار ایدم گل سوری و یاس و مینانی
.
چراغ محفلیم ای نور بزمگاه امید
سن اولماسان اولی دل شمع آه سوزانی
.
ایشیق گونوم شب یلدا اولور ایدنده خیال
فراق گونلرینی، روزگار هجرانی
.
مناظر دله مجذوب سن که ایستمیسن
گوزون گوره بو بلاخیز دار ویرانی
.
زجاج نور الهی سینیب او دم که جفا
مکدر ایلدی بو چهره مصفانی
.
اوزونده نقش بهار و خزان اولوب ترسیم
ائدر حکایت ایکی حالت گلستانی
.
ببری بنفشه و نیلوفری نشان ویریری
بیری خزان زده اوراق برگ ریزانی
.
تحمل ایلدون الله رضاسنه بیلیرم
کمال شوقله هر محنت و بلایانی
.
شرار قلبیوی تا عالمه نشان ویرسین
یانار اورک له دوتار لاله لر بیابانی
.
سکوتون آرتیری قلبمین شراره سینی
جواب ویر سسیمه فاطمه، علی جانی
.
بو سوزده آچدی گوزون عالمین گوزی، آرام
گوروب دوروبدی باشی اوسته کایناته امام
.
سروش نغمه سی ذرات جسمه ویردی توان
عروقه جوهر سیاله تک اولوبدی روان
.
صفیر طایر قدس آشیان طنینیندن
ایشتدی آیت رحمت، حبیبه دوران
.
آلیبدی عطر علینی بتول او وقتده کیم
مشامنه یتیشردی شمیم باغ جنان
.
بو عطر جذبه سینه گچدی خلددن، یعنی
علی لقاسنه قرباندی روضه رضوان
.
نظاره ایلدی چوخ اشتیاقیله یوزونه
مگر اولا بو تماشا ذخیره هجران
.
ایشقلانیب گوزی گوردوقجا عارضین که ائدر
فروغ دیده نی افزون تلاوت قرآن
.
بو سیر و جذبه ده ناگاه زهره زهرا
گوروب صحیفه بدر اوسته انجم رخشان
.
علیدی آغلیری ایوای باشیم اوستونده؟
دولوبدی دردله قلب عوالم امکان
.
بو اشگ اود کیمی یاندیردی قلب فاطمه نی
گوزونده خون جگر موجی ایلدی طغیان
.
شکفته لندی او خاموش غنچه صحبتله
گوروبدی مایه الهامین آچدی نطقه زبان
.
سن ای قلمرو خلقتده صاحب اورنگ
سن ای سریر امامتده والی و سلطان
.
امام مفترض اطلاعه سن منه ، بیلیسن
نیاز یوخ داخی طرح اولسون اوزگه بیر عنوان
.
بو مدتی که منه فیض ویردی دیدارون
یوزونده سیر ایلدیم نور جذبه عرفان
.
نقدر لطف و صفا وار جهان خلقتده
تمامنی منه ایتمشدی سنله حق، احسان
.
سنیله دلخوشدیم شدت مصائبده
عنایتون منه ایلردی هر غمی آسان
.
و لیک حیف اولا عمروم یتیشدی پایانه
آیردی جبرله سندن منی جفای زمان
.
بودور غمیم کیم اولار دردیوه شریک سنون
هجوم ایدنده فشار شداید دوران
.
عم اوغلی سن کیمی مظلوم اولان بو دنیاده
محالدور که گوره دور گنبد گردان
.
نجه روادی که ظلمیله حجت اللهه
بو وسعتیله جهانی، عدو ایده زندان
.
عجبدی ئولمدی زهرا او گون که جبریله
چکیلدی بیعتنه کفر مطلقین ایمان
.
بو خاطرات اورکدن آلیبدی طاقت و توش
علی باخا باخا یومدی گوزون اولوب خاموش
.
علی او حکمتی نافذ امور تقدیره
ویرردی غسل، مفاد بیان تطهیره
.
#فاطمیه_شهادت
#گورنده_حق_گوزی_پژمرده_حال_زهرانی
#ترکی
.
#زبدةالاشعار
.
: @nohe_torki