گورّم بوگون فضا ده اوزگه علامت عمه #غارت_خیام_علومی_تبریزی

زبانحال در غارت خیام
.
#زبدةالاشعار
.
: @nohe_torki
.
علومی تبریزی
.
گورّم بوگون فضا ده اوزگه علامت عمه
گویا اولور بو چولده بر پا قیامت عمه
.
.
وار عمه جان نه علت رنگ و رخون سولوبدی
بی حال مضطربسن چوخ گوزلرون دولوبدی
میدانه چوخ باخورسان نه ماجرا اولوبدی
یوخسا بابام تاپوبدی فیض شهادت عمه
.
.
میدانه گتدی عمه ایندی بابام پریشان
من زاره سو گتورسون اول سرور لب عطشان
سویله گوروم او شاهی دشمن سالوبدی آتدان
شام اهلی چوخ چالولّار طبل بشارت عمه
.
.
عمه یتور بو زاری تلّ اوستونه بو ساعت
میدانیده گوروم وار نه شور و نه قیامت
ئولدوردولر بابامی بو قوم بی مروت
یغمایه ال آچالار ایندی بو ساعت عمه
.
.
آگاه قیل بو زاری ای عمۀ مکدر
کیمدور او بیکس آخر آتدان سالوبدی لشگر
گل جسمینه ورولّار شمشیر و تیر و خنجر
یوخ بیر نفر او زاره ایتسون حمایت عمه
.
.
یوخسا منیم بابامدی بیر غمگساری یوخدی
لب تشنه دور کومکسیز دلده ملالی چوخدی
دشمن ویرور او زاره تیغ و سنان و اوخدی
ویرمور امان بلادن تاپسون فراغت عمه
.
.
اولموش ز بس علومی بو ماجراده دلگیر
آغلار گوزیله هر آن ایلرغمیمی تحریر
ایتدی ملال دنیا عمر جوانلقین پیر
دوز نوکروندی ایله سن بیر عنایت عمه
.
.
#غارت_خیام_علومی_تبریزی
#گورم_بو_گون_فضا_ده_اوزگه_علامت_عمه
#ترکی
.
#زبدةالاشعار
.
: @nohe_torki
.