گوزلریم یوللاردا قالمیش گوزلورم دلبر گله #زلفی_تبریزی

یا مهدی
.
✍️زبدةالاشعار✍️
.
🆔: @nohe_torki
.
#زلفی_تبریزی
.
گوزلریم یوللاردا قالمیش گوزلورم دلبر گله
هفت طاق و نه رواقین تختینه سرور گله
.
آسمان عشق اوچون بیر دلبر سیمینه رو
افتخار عالمین و زیب بحر و بر گله
.
پرتو اقبالی دنیاده در تابنده دور
گلشن عشقه نولی بیر غنچه احمر گله
.
منشی قدرت چکن بیر نازلی مه سیما نگار
گویلومی تسخیر ایدن هم روحیمه جوهر گله
.
ساکن خمخانیم مشتاق آغاز بهار
قورخورام باد اجل بو وصله غارتگر گله
.
خار خشکه قیل ترحم گل گولوم انصاف ایله
تنگدور فرصت مبادا گلشنه آذر گله؟
.
دایم آردینجا سوروننم تا نفس وار سینه ده
عهد قیلدیم یانسام ار آردینجا خاکستر گله
.
ملک استغناده حمد اولسون الاهه ساکنم
بیر فقط یول گوزلورم سلطان جان پرور گله
.
گل قدومین باغ لوحینی زر افشان ایلسون
( زلفی ) چوخ مشتاقیدور سن تک گوزل رهبر گله
.
.
.
#مهدیه
#گوزلریم_یوللاردا_قالمیش_گوزلورم_دلبر_گله
#ترکی
.
✍️ #زبدةالاشعار ✍️
.
🆔: @nohe_torki