عرض ارادت به مقام حضرت اباعبدالله الحسین(ع)
..
..
مرحوم حاج محمود رهبری تبریزی
..
..
..
گوز یاشلی گلموشم قاپووا یاحسین سنون
دنیاده عاشقم آدیوا یاحسین سنون
..
سندن صورا کیمیم وار الیمدن دوتا منیم
بیر نوکرم قاپوندا آقا یاحسین سنون
..
قالّام قاپوندا من نقدر جاندا وار نفس
لطفین بو عرضه اولسا رضا یاحسین سنون
..
بو آستانی گنج سلیمانه ویرمرم
وار درگهونده مهر و صفا یاحسین سنون
..
ئولسمده گوزلریم قالی بو آستانیده
خوشدور گورم جمالوی تا یاحسین سنون
..
لطف ایله جان ویرنده باشیم اوسته گل آقا
جان ایلیوم قدومه فدا یاحسین سنون
..
گولدن گوزل جمالوی من بیر گوروم ئولوم
ایلوم آدون او وقته صدا یاحسین سنون
..
هر قدر آغلاسام گینه آزدور غمونده من
آغلار غمونده ارض و سما یاحسین سنون
..
گوز تیکموشم شفاعتوه روز حشریده
لطفین عیاندی روز جزا یاحسین سنون
..
سن شیعه نین شفاعتینی حقدن ایسته دون
ایتدی اونی قبول خدا یاحسین سنون
..
سن شیعه نی دعا ایله دون حق بغشله سین
لطفین شماره گلمز آقا یاحسین سنون
..
سانسیز یارا وجودیوی سالموشدی تابیدن
دگمیشدی یاره اوسته یارا یاحسین سنون
..
جانانه جان ویرنده سوسوز قتلگاهیده
آلمیشدی تاب دلده ضما یاحسین سنون
..
زینب گلنده قتلگهه باشدا اللری
آرامون آلدی آه و نوا یاحسین سنون
..
یوز دوتدی شمره دخت علی شیر حق کیمی
خوفه دوشوبدی شمر دغا یاحسین سنون
..
سسلندی ظالم حقدن حیا ایله بیر اوتان
دورین دولاندی کنز وفا یاحسین سنون
..
کرب و بلاده اولدی اولان وقت ظهریده
گلمز غمون یازیلسا سایا یاحسین سنون
..
طوفان قوپوبدی اسدی قرا یئل او دشتیده
یر گوی ویروب صداوه صدا یاحسین سنون
..
بیر نوکر ذلیلم حسین «رهبری» نسب
قوؤسان گیدیم قاپوندان هارا یاحسین سنون
..
..
#حسینیه #رهبری_تبریزی #ورود_محرم #ورود_محرم_رهبری_تبریزی #ترکی #زبدةالاشعار #حسینیه_مدح #قتلگاه
نظر دهید