زبانحال امام حسین(ع) به برادرش در شهادت حضرت علی اصغر (ع)
.
✍️ #زبدةالاشعار ✍️
.
🆔: @nohe_torki
.
.
محسن محمدی هشترودی ( ناطقی )
.
اوخلاندی بالام یوخ گلن امداده ابوالفضل
احسان ایله قارداشوی سال یاده ابوالفضل
الدن آلانیم یوخ یاده سالانیم یوخ
.
.
قارداش بالامین نعشدور الآنه الیمده
دوشمور آتام اوغلی آدون هرلحظه دلیمده
گورسیدون او ساعت که الیم قالدی بلیمده
قارداش غمی واللهی دگل ساده ابوالفضل
گوزدن منی آتدون آمالوه چاتدون
.
.
قارداش باخورام ساق صولا هیجاده غریبم
اعدا دور اولان قتلیمه آماده غریبم
سندن صورا بس اولموشام افتاده غریبم
افسرده لیک آثاریدی سیماده ابوالفضل
ایلولله شماتت بی رحم جماعت
.
.
صحرای خطر ناکده طوفانلو یل اسدی
آند اولسون آنام فاطمیه صبریمی کسدی
قارداشون حسین معرکه ده تنگ نفسدی
سلب اولدی توان قالمادی اعضاده ابوالفضل
سس وئر منه زاره یوخ دردیمه چاره
.
.
یاندیردی یانان قلبیمی شداد زمانه
نامرد اوخونا اصغرمی ائتدی نشانه
اوخ شاهرگین قیردی قانی اولدی روانه
دیسگیندی گوزون آچدی بوسوداده ابوالفضل
باخدیم بس اوتاندیم قولدان یارالاندیم
.
.
آچدی یومولان گوزلرین، بیر منه باخدی
کسدی بوغازین ضربه باشی دال یانا آخدی
هر کیمسیه ظلم اولسا مروّتدن اوزاخدی
خالق ئوزی کیفر وئره بیداده ابوالفضل
ظالم یخلاندی مظلوم قالاندی
.
.
ایکاش اولیدون سن ئوزون غملی چاقیمدا
یوخدور کمگیم نعشی قالوبدور قوجاقیمدا
قاتل دایانوب مسخره ایلور قاباقیمدا
غملر غم الینده گلور ایجاده ابوالفضل
گل اصغریم ئولدی اعداء منه گولدی
.
.
ای کرب و بلا گلشن و گلزاروه قربان
شش ماهه علی اصغر شیر خواروه قربان
شرمنده یاتان قولسوز علمداروه قربان
با بغرووا سن محضر مولاده ابوالفضل
صاحب علمون وار زیبا حرمون وار
.
.
قسمت اولا ای کاش گلاخ غملو دیاره
زائر اولاجاخ چوخلی همین توزلی مزاره
بس”ناطقی” ائتدی بو مصیباته اشاره
آغلوب سنه سجاد بیر ایماده ابوالفضل
اوخلی گؤزه قربان قانلو ئوزه قربان
.
..
.
.
#اصغریه_محمدی_ناطق
#اصغریه_شهادت
#اوخلاندی_بالام_یوخ_گلن_امداده_ابوالفضل
#ترکی
.
✍️ #زبدةالاشعار ✍️
.
🆔: @nohe_torki
نظر دهید