گوشه ی محبسده یارب گرچه زحمت وار منه #کاظمیه_مهدی_باغبان_باشی

شهادت حضرت امام کاظم (ع)
.
#زبدةالاشعار
.
: @nohe_torki
.
حاج #مهدی_باغبان_باشی ( #سالک )
.
گوشه ی محبسده یارب گرچه زحمت وار منه
دلخوشام راز و نیازه یاخشی فرصت وار منه
.
.
دوشموشم ایللردی یارب گوشه ی زندانه من
بو رطوبت یرده گرچه دویدوم آخِر جانه من
بو مکانی ویرمرم مین گوشه ی رضوانه من
چون بو یرده دمبدم سندن عنایت وار منه
.
.
.
شمع آهیمدن صورا یارب چراغیم یوخ منیم
گلمسه پیک اجل غمدن فراقیم یوه منیم
اون بیر ایلدور قیزلاریمدان هیچ سراغیم یوخ منیم
هر غم و آلامیدن چوخ، درد غربت وار منه
.
.
.
گر مشیّت حکم ایدوب تسلیم ایدم جانانه جان
دلخوشام چون وصل جانه رابط اولموش بو مکان
شوق وصلوندن اولور یارب یوزه اشکیم روان
طول تاپسون قویما، فرقتده صعوبت وار منه
.
.
.
بارالها روز و شب وردیم اولوبدور یا صمد
حلقه ی زنجیر تسبیحیمدی، ذکریم یا احد
راضیم باش سجده ده قالسون الهی تا ابد
قویموری سند ابن شاهک، چوخلی حسرت وار منه
.
.
.
گوشه ی محبسده امر ایتسن یته عمروم باشا
یوخ سوزوم، عشقونده اولدوم هر بلایه من رضا
باخمارام عشقونده تیکمیش گوز یولا اوغلوم رضا
سن رضا اولسان، بلایاده رضایت وار منه
.
.
.
طالب وصلم، نه حکم ایتسن ایله، فرمان سنون
مبتلای درد هجرانم نه غم درمان سنون
جان سنون، بو کونده و زندان و زندانبان سنون
بنده ی عشقم نه امر ایتسم اطاعت وار منه
.
.
.
عاشق و معشوق آرا سالماز بلالر فاصله
عشقیم آرتار بوینوما ووردوقجا یاره سلسله
آلماقا کالای غم، جان نقدینی سالدیم اله
عشق سوداسینده چون عالی تجارت وار منه
.
.
.
بو قرانلوق یرده سندن اوزگه یارب یوخ کسیم
یر رطوبت، تو به تو، تاریک و ظلمت محبسیم
اوج ایدر درگاهیوه تنها بو محبسدن سسیم
یوخ نیازیم اوزگیه سندن اجابت وار منه
.
.
.
چوخلی زندانبان و زندانیله اولدوم روبرو
گورمدیم سند ابن شاهک تک الهی کینه جو
منزلیم زندان، طعامیم خون دل، گوزیاشی سو
خوان لطفوندن ولی هر لحظه نعمت وار منه
.
.
.
سالکان عالمی ایتدیم ره عشقه بلد
عالمه بولدوردوم اولماز راه حقّه کیمسه سد
ایلمه یارب دعای خیرینی دنیاده رد
صدق اوزیله هر اورکده قصد خدمت وار منه
.
.
#سبک_زینبم_جان_اوستیم (4 سبک سینه و زنجیر تک ضرب )
.
.
#کاظمیه_شهادت
#گوشه_محبسده_یارب_گر_چه_زحمت_وار_منه
#ترکی
.
#زبدةالاشعار
.
: @nohe_torki