غربت ده ظلمیله بو گون سبط پیمبر جان وئرور #کاظمیه_محمد_هوشمند

یا باب الحوائج
..
..
#سبک_ای_شاه_مظلومان_حسین (5 سبک متفاوت سینه و زنجیر و … )
مشابه
..
..
محمد هوشمند
..
..
غربت ده ظلمیله بو گون
سبط پیمبر جان وئرور
یئر گوی گلیب دیر نالیه
موسی ابن جعفر جان وئرور
..
غربتده یوخ بیر آشنا
جان اوسته سسلور گل آنا
..
..
بیلمم نه غملی حالیدور
بو عالم امکانیده
نیل ستم طغیان ائدیب
موسی قالیب طوفانیده
زهرای اطهر یوسفی
جان اوسته دی زندانیده
نه وار گلن نه وار گئدن
بی یار و یاور جان وئرور
..
..
تقدیر حقه راضی دور
راز و نیاز اوستونده دیر
قلبینده وار چوخ نیسگلی
سوز وگداز اوستونده دیر
زهر جفا حالدان سالیب
اما نماز اوستونده دیر
زنجیر ظلمه باغلیدیر
شیر دلاور جان وئرور
..
..
دریای صبری بو گئجه
دیلدن سالیب یوردی فراق
تنگه گلیب دیر سینه سی
وار وصل یاره اشتیاق
ظلمیله چوخداندیر دوشوب
اهل و عیالیندن اوزاق
یوخ باشی اوسته همدمی
زار و مکدر جان وئرور
..
..
دنیایه باخ بیر بی گنه
قید جفایه بسته دی
چوخداندی زندانی اولوب
ظلم و جفادن خسته دی
رحم ائیلمور دشمن لری
هر چند که جان اوسته دی
حکم اجل زندانیده
اولموش مقدر جان وئرور
..
..
یوخ بیر انیس و همدمی
قلبین دوتوب سوز و شرار
سسلور آناسین دادینه
اول سید والا تبار
پیک اجل گلدی قالیب
آخر نفس چشم انتطار
خوشدور باشی اوسته گله
زهرای اطهر ، جان وئرور
..
..
قیل بیر نظر یا فاطمه
تئز محبس بغداده گل
سسلور هرایه دمبدم
سس وئر خانیم امداده گل
جان اوسته غملی حالینی
گور شیون و فریاده گل
عرشه اورکدن اوج ائدیر
آه مکرر جان وئرور
..
..
قاره گییب اهل ولا
غمدور پیامی شیعه نین
خط ولا دیر هر زمان
اصلی مرامی شیعه نین
زندانیده جان اوسته دور
هفتم امامی شیعه نین
عالم باتیب دیر ماتمه
ارزنده رهبر جان وئرور
..
..
..
..
#کاظمیه #محمد_هوشمند #کاظمیه_شهادت #ترکی #زبدةالاشعار