گونون رنگی سولوب سوندی چراغ کهکشان ئولدی #حیدریه_هادی_تبریزی

در شهادت حضرت علی علیه السلام
.
مرحوم هادی تبریزی
.
.
گونون رنگی سولوب سوندی چراغ کهکشان ئولدی
خدای عدل و آزادی امیرالمؤمنین ئولدی
.
.
.
.
یارالدان گونلره گونلوق سراج الله و نور الله
کلیمه طوریده روح لسان الله و شور الله
ظهور طور سیناده اَنَا الله و ظهور الله
ظهور و ظاهر و اظهر عیان اولموش نهان ئولدی
.
.
.
.
ویرن دیرلیقلارا دیرلیق آچان لوح برابرلیق
سیچن سیچکینلقی یردن ویرن درس برادرلیق
یغان طومار تبعیضی ایدن دنیایه رهبرلیق
حقوق حق انسانه حقیقی پاسبان ئولدی
.
.
.
.
گیجه گیزلین قرانلوقدا گونوز شمشیرین آللهی
گولشلرده گولش باغی یانشلی سینه لر آهی
دوتان السیز قالان ال یارالی دللرآگاهی
سینق سینمیش گوگوللردن آغیر تاب و توان ئولدی
.
.
.
.
آخان آخگین سولاردان باش گجه اولدوزلارا یولداش
سحرلرگوزلریندن تیز افقدان گون گوتورمز باش
یر اوسته سیرایدن عرشه قانادسیز قوشلارا یولدش
یارالی قوشلارا مرحم صفالی آشیان ئولدی
.
.
.
.
گورنده هیبتین تیترر آغیر ترپنمیین داغلار
مناجاتین سالار یاده بولودلار سیل کیمی آغلار
اولان هریاریه مرهم یارسین زینبی باغلار
دییَر ایوای بابام شاه زمین ئولدی زمان ئولدی
.
.
.
.
قیامت لر قیام ایلرقیام قدّو قامتدن
آچاندا دل دوشر بالّلار شیرینلیقدان حلاوتدن
سیخلماز بُعد و ابعاده چخار حجم و نهایتدن
جهانی بی نهایتده مکین لامکان ئولدی
.
.
.
.
دوشر منظورلر نظمه دیینده کلمۀ تکبیر
گویون اولدوزلاری ایلر اونون تکبیرینی تفسیر
یخوب خیبر یخان شاهی ولی بیر ضربۀ شمشیر
الهی بیشۀ حقده ژیان شیر دمان ئولدی
.
.
.
.
اورکده گیزلدن دردین دیین دردین شباهنگه
بویانماز رنگ نیرنگه دونوشمز رنگیدن رنگه
سویر صُلحی اَلین آچماز مگر اجباریله جنگه
حیات نسل انسانه امین ئولدی امان ئولدی
.
.
.
.
باتار گون باتمالار قانه اونون سرّ ضمیریندن
بویوکلوقلار تاپار انسان اونون روح کبیریندن
اولونجه گوز گوتورمزدی محبتله اسیریندن
جانی جانسیزلین جانه ویرن جان روان ئولدی
.
.
.
.
علی الماس وجدانین آغیر قیمتله ساتمازدی
علی بیکسلری گوزدن اگر اولسیدی آتمازدی
علی عمرونده بیر انسان گرآج یاتسیدی یاتمازدی
یتیمانه دل شبده انیس و همزبان ئولدی
.
.
.
.
علیدور هستی عالم علیدور خلقت آدم
علیدور اکبر و اعظم علیدور اعظم و اکرم
علیدور گللره شبنم یارالی دللره مرهم
یارالی دللره مرهم طبیب مهربان ئولدی
.
.
.
.
علیدور علّت ایجاد علیدور قبلۀ اوتاد
علیدور سالکه اوتاد علیدور مرشد و ارشاد
علیدور شرق استعداد علیدور عالمه استاد
ظهورو سراشراق و تجلّای عیان ئولدی
.
.
.
.
علیدور بانی و بنیان علیدور جانلارا جانان
علیدور دفتر قرآن علیدور جوهر ایمان
علیدورحقّه پشتیبان علیدور مظهر وجدان
علیدور واجِد و اَجوَد نشان بی نشان ئولدی
.
.
.
.
علیدور شاه بی همتا علیدور پیر کرّمنا
علیدور کاخ اُواَدنی علیدور مصدر الاسما
علیدور عالی و اعلا علیدور فرشدن بالا
حریم حقّ ایچون محرم خلیق قدسیان ئولدی
.
.
.
.
علیدور سرّجان پرور علیدور نخل شیرین بر
علیدور شافع محشر علیدورساقی کوثر
علیدور شیرنام آور علیدور فاتح خیبر
دوغولماز بیرده دنیاده شجاع و قهرمان ئولدی
.
.
.
.
علیدور بولماقا کانون علیدور علم افلاطون
علیدور بی چرا و چون علیدور چونی بی چون
علی سحر و علی افسون علی صحرا علی هامون
چمنده گلستانلاردا شمیم جانستان ئولدی
.
.
.
.
علیدور مانع الاغمام علیدور دافع آلام
علیدور مهبط الهام علیدور ناشر احکام
علی سلم و علی تسلیم علی اسلم علی اسلام
گل و گلباغ اسلامه یارالی باغبان ئولدی
.
.
.
.
علیدور عابد و معبود علیدور حامد و محمود
علیدور ساجد و مسعود علیدور ساجد و مسجود
علیدور شاهد و مشهود علیدور قاصد و مقصود
ولی الله و عین الله امام انس و جان ئولدی
.
.
.
.
علیدور هادی آدم علیدور خسرو عادل
علیدور ایلیین هر قلبردن مشکلی زایل
علی گر «هادیه» هادی اولا اولماز سوزی باطل
یازار آغلار دیر یارب امیرالمؤمنان ئولدی
.
#حیدریه #هادی_تبریزی #حیدریه_شهادت #ترکی #زبدةالاشعار