گوگل اظهار مطلب ایلمه هر بی سر و پایه #حیدریه_دلریش

در مدح حضرت امیرالمؤمنین (ع)
گریز به وداع حضرت علی اکبر (ع)
.
.
مرحوم دلریش
.
.
گوگل اظهار مطلب ایلمه هر بی سر و پایه
که اولماز بی سر و پالر سوزونده حق بولور پایه
.
بصیرت چشمون آچ بیردم اویان بو خواب غفلتدن
درست ایله تماشا بیر زمان اوضاع دنیایه
.
فریب نفسه تولانما سنی بو نفس ائدر گمراه
تغافل ایلمه پیر توشه ای جمع ایله عقبایه
.
شکسته خاطر اول بالمرّه چیخ بو قید دنیادن
همیشه عالم علوی طلب اول باخما سفلایه
.
اگر آسوده لیق ایسترسن ای دل هر ایکی دنیا
سنه یول گوستروبلر چنگ وور دامان مولایه
.
بو مولانون مبارک آدینی آدم شفیع ائتدی
اولوب آسوده یتدی بی مشقت وصل حوایه
.
بو مولا حضرت نوحه ائدوب امداد طوفاندا
بونون نوری تجلّی ایلدی سیناده موسایه
.
خلیل اللّهه اود گلشن بو نور پاکدن اولدی
سبب مولادی موسی غرق ائدوب فرعونی دریایه
.
اؤزوم مالیم عیالیم کاش اولا هر لحظه ده قربان
بئله مولایه کیم هردم وئروبدور دم مسیحایه
.
نئجه من وصف ائدیم بیر شاهی کیم وصف ایلیوب خالق
اونون اوصاف دور قرآن تماماً آیه به آیه
.
اؤزی فرمایش ائتدی مصطفی منبرده اصحابه
علینون طاعتی واجبدی جمله پیر و برنایه
.
بونون جنّتده دور جنّت بونون بغضینده دور دوزخ
بو شاهی سویمین دشمن اولوبدور حیّ یکتایه
.
گوریدی گر تجلّای جمالون یاعلی مجنون
یقین اولمازدی بو دنیاده طالب وصل لیلایه
.
شعاع مهر رویون گر گوریدی وامق عالمده
همان ساعت تاپاردی حق بولور مین عذر عذرایه
.
سنون نورونله تابنده اولور مهر درخشنده
سنه یوسفدی بیر بنده فدا سن کیمی مولایه
.
دوتوب نورون بو دنیانی ائدوب آفاقی نورانی
سن ائتدون محو موسانی سالاندا تور سینایه
.
شب اسراده پیغمبر اولاندا واقف اسرار
سن اولدون رختخواب ایچره سراسر واقف اسرایه
.
سنی هر کیمسه عین الله ناظر بولمیه بی شک
یری دوزخدی عقباده قالور حسرت او طوبایه
.
وجودین اولماسیدی، خلق اولونمازدی بو مخلوقات
بو ماسواللهه سنون سایون سالوب سایه
.
اولان قائل خدا و مصطفایه دینی ناقصدور
تاپار صورت سنیله دین باخاندا اصل معنایه
.
ائده هر کیم سنون انکار فضلون یا شه مردان
اونون ذاتینده وار نقصان گله لعنت او ترسایه
.
على اوصافینه هر یرده وار منکردن آماسی
حلال زاده لر اما قولاق وئرمز بو امّایه
.
سخاوت ده شجاعتده بو شاهون یوخدی مانندی
ووراندا خشمیله تیغی گئچر بو سطح غبرایه
.
دوشر تشویشه کاوماهی بیحد اضطراب ایلر
چکنده ذوالفقارین ایلینده حمله اعدایه
.
او گون بس هاردا قالمیشدی بو ضرب شصتیله حیدر
زمین کربلا دونموشدی یاران کوه مینایه
.
ایچوب بیر بیر شهادت جامین أولاد بنی هاشم
یتیشدی نوبت جنگ و جدل بیر سرو رعنایه
.
وجاهتده او پیغمبر شجاعتده غضنفر فر
آدی اکبر اولان یاور او چولده امّ لیلایه
.
اولاندا عازم میدان دیدی لیلای سرگردان
ایاق ساخلا على ایلوم سنه من باری پیرایه
.
گرک بیر نوع ائدم زیور سنه من بی کس و مضطر
گله اسماعیل و هاجر بو صحرایه تماشایه
.
بو زلف عنبرافشانه الیم دوتماز ویرام شانه
سنون آردونجه میدانه سورونّم منده چون سایه
.
منیم بو ناتوان گوگلوم اولان هجریله قان گوگلوم
ازلدن پایبند اولموش چون اول زلف سمن سایه
.
شهید ایلر سنی دشمن اولور کاریم منیم شیون
علی اکبر غریبیم سن ترحّم قیل بو تنهایه
.
روادور بو قد موزون اولا میداندا غرق خون
فراقرنده اولور مجنون دوشر لیلی بو صحرایه
.
.
دئدی اکبر او ناشاده آنا چوخ گلمه فریاده
گرک منده بو صحراده یتم بو فیض عظمایه
.
اولاندا محشر کبرا خطاب ایلر سنه زهرا
هانی بس اکبرون لیلی دیر سن سن نه زهرایه
.
او بی یاری رضا ائتدی رضا ایلوب وداع ائتدی
گئدوب جانین فدا ائتدی او چولده شاه بطحایه
.
وئرورلر بیتیوه بیر بیت بی شک روز محشرده
ئولونجه «دلریشا» صرف ایله عمرون مدح مولایه
.
.
.
.
#حیدریه #دلریش
#حیدریه_مدح
#گوگل_اظهار_مطلب_ایلمه_هر_بی_سر_و_پایه
#ترکی
#زبدةالاشعار